ekran платформа за слободоумни
NETFLIX објави дека акционата комедија Red Notice е нивниот најгледан филм. Филмот беше објавен на платформата на 12. ноември, а веќе на првиот ден од неговото емитување стана најгледаниот филм на стриминг сервисот.
Филмот беше во категоријата топ 10. филмови во последните три недели, а моментално 50 отсто од претплатниците на Нетфликс го гледале филмот, пренесува Си-Ен-Ен.
Веста на социјалните мрежи ја споделија и ѕвездите од серијата Гал Гадот и Двејн Џонсон.
„Леле, леле, леле… леле! Не можам да ви кажам колку сум среќна, колку сум благодарна, колку сум воодушевена од оваа луда статистика и информација. Го направивте нашиот филм најгледан во историјата на Нетфликс!!! Вие сте причината поради која ги снимаме овие филмови. Вашата љубов ни значи се. И во никој случај не го земаме здраво за готово. Ви благодариме”, напишала Гал во описот на објавата на Инстаграм.
View this post on Instagram
Објавата по повод добрите вести на Инстаграм ја споделил и The Rock, кој им се заблагодарил на гледачите и истакнал дека на филмот Red Notice му претходел најгледаниот филм Bird Box во кој главната улога ја толкува Сандра Булок.
View this post on Instagram
Последниот најгледан филм на Нетфликс, Bird Box, остварил 282. милиони часови гледање во првите четири недели, додека Red Notice за три недели остварил 328,8 милиони часови.
Фото: Принтскрин/Instagram
