Програма на 46. МОТ за 27.11.

27 ноември (сабота)
Нема да биде крај на светот / МНТ, Перипетија, САРТР

режија: Нина Николиќ


време: 20:00 / локација: МНТ, мала сцена      РАСПРОДАДЕНО!


Кога се создаваше текстот „Нема да биде крај на светот“ живеевме во еден сосема поинаков свет, обременет со проблеми наследувани низ генерации, со кои се имавме навикнато да живееме. Денес тој свет го нарекуваме нормален, иако малку од него тогаш можеше да се окарактеризира така. По промената што се случи изминатата година и пол на макроплан, логично е она од претходно да ни се чини како нормално. Флоскулата „крај на светот“ никогаш не била позастапена.

Оваа претстава се занимава токму со тоа, рушењето на интимните светови. Сите три лика под кожа ја носат пропаста на сопствениот свет. Односно, светот каков што го замислувале за себе, за кој се бореле, кој го граделе или за кој мислеле дека ги чека, а тие требало само да му излезат во пресрет…

Уметноста е ормар / Словенско младинско гледалишче (СЛО)

режија: Иван Петернељ 

време: 22:00 / локација: МНТ, голема сцена 

Претставата „Уметноста е ормар“ произлегува од заумниот свет на Хармс, третирајќи го тој авангардист како идеален соговорник за да проговори за светот во кој живееме. Тој свет, по зборовите на авторот на претставата, досегнува вртоглави височини на човечката глупост, бесмислата и етичкото пропаѓање, па е во секојдневна борба со апатијата. Но, исчашениот поглед на Хармс е во состојба да го испреврти наопаку. Апсурдот во неговата книжевност зборува „за невидливиот и неодреден страв, кој му се заканува на секојдневието од позадина, за егзистенцијалната загрозеност, за метафизичкиот ужас“. Но баш таа призма на апсурдот што во себе го крие она критичкото и комичното, дава можност на сето тоа да му погледнеме в лице.

Билетите за претставите изнесуваат 300 денари. Истите се достапни преку bileti.mkc.mk и на билетарница во МКЦ.

Тимот на МОТ го задржува правото на измени во распоредот на претставите.

Фестивалот е поддржан од Град Скопје и Министерство за култура.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Марија Апчевска, Наталија Теодосиевa и Ханис Багашов се македонските претставници на „Берлинале таленти“

Режисерката Марија Апчевска, филмската и театарска актерка Наталија Теодосиевa и режисерот и актер Ханис Багашов …