ekran платформа за слободоумни
Конзумирањето на овие пет природни намирници ќе има повеќекратни придобивки за вашето тело.
Во времето на глобалната пандемија на корона вирус, почнавме повеќе да го цениме нашето здравје и да се грижиме за храната што ја консумираме, видовите на храна и се повеќе се свртуваме кон природата и органските производи. Медиумите во Индија ги пренесуваат советите од нивната традиционална медицина и советуваат на кои пет намирници слободно можеме да се потпреме доколку сакаме да имаме силен имунитет, да го заштитиме организмот од разни болести и конечно – да си го продолжиме животот.
Лук
Активните состојки во лукот можат да го намалат крвниот притисок и холестеролот, а ефикасен е и при болки во телото и настинки. Најдобро е да се консумира свеж, сиров, а се препорачува секој ден да јадете по две чешниња лук на празен стомак.
Јаболка
Ова овошје е богато со влакна и вода, па го намалува нивото на холестерол и може да го намали ризикот од развој на срцеви заболувања. Јаболката можете да ги користите и за подготовка на десерти и многу други јадења, а можете да ги јадете и сирови. Содржат и полифеноли, па се одлични за дијабетичари.
Кељ
Кељот припаѓа на семејството на зелките, а изобилува со различни хранливи материи. Оваа храна содржи големи количини на витамини, калциум, влакна и антиоксиданси, а освен тоа е еден од најдобрите извори на витамин К. Покрај тоа, кељот е одличен за луѓето кои имаат проблеми со срцето. Кељот можете да го користите за салати, супи или пак да го јадете сиров.
Куркума
Куркумата е позната по своите антивоспалителни својства, а има и многу други здравствени придобивки, па затоа е добра за луѓето кои имаат проблеми со крвниот притисок и холестеролот. Исто така, оваа намирница во голема мера го успорува процесот на стареење.
Зелен чај
Зелениот чај е еден од најздравите пијалоци кој содржи многу хранливи материи и има голем број здравствени придобивки доколку се консумира редовно. Исто така, овој чај помага за слабеење и го забрзува метаболизмот.
