(ФОТО) Срцепарателни пораки од децата на исчезнатата принцеза од Монако

Принцот Алберт од Монако откри дека неговата сопруга, принцезата Шарлин, е примена во „установа за лекување“ каде што ќе остане најмалку неколку недели откако стана „очигледно дека не е добро“ неколку часа по нејзиното враќање во Монако, по 10. месеци минати во Јужна Африка. Монархот се појави во јавноста со децата, а малата принцеза Габриела и принцот Жак носеле потресни пораки упатени до отсутната мајка.
Децата држеле транспаренти на кои пишувало: „Мамо, ни недостигаш“.


Принцот Алберт објаснил дека неговата сопруга, која изгледала се полошо, признала дека и треба помош.
На почетокот на оваа година тој изјави дека неговата сопруга боледува од инфекција на синусите. Тој не откри детали за нејзината болест, но ја отфрли можноста за рак и ковид.
Тој навести ментални здравствени проблеми, велејќи дека таа е „преоптоварена и неспособна да се справи со службените должности, воопшто со животот, па дури и со семејниот живот“ и дека страда од „исцрпеност, и емоционална и физичка“.



Во интервју за списанието People, Алберт изјави дека семејниот собир во Монако минатата недела на почетокот поминал прилично добро во првите неколку часа, но потоа станало многу очигледно дека на Шарлин не и е добро.
Принцот рекол дека процесот на донесување конечна одлука за лекување вклучува средба во стилот на интервенција со членовите на семејството.
„Седев со нејзините браќа и снаа. Таа веќе ја донесе својата одлука, а ние само сакавме да ја потврди пред нас. Таа го сакаше ова. Таа веќе знаеше дека најдоброто нешто е да оди да се одмори и да има вистински медицински заокуружен третман. И не во Монако. Од причини за приватност, треба да биде некаде надвор од Монако“.

 


View this post on Instagram

 

A post shared by HSH Princess Charlene (@hshprincesscharlene)

Во меѓувреме, тој открил дека Габриела и Жак ќе ја посетат Шарлин кога ќе добијат лекарска дозвола.
Француските списанија како Voici тврдеа дека Шарлин отишла во Швајцарија, каде што има бројни специјализирани приватни медицински клиники.
„Веројатно ќе го кажам ова неколку пати, но ова нема никаква врска со нашата врска. Сакам тоа да биде многу јасно. Ова не се проблеми во нашата врска, не со односот меѓу маж и жена. Тоа е од друга природа“, нагласил Алберт.
Запрашан дали децата биле заштитени за време на отсуството на мајката, Алберт додал:
„Треба општо да се заштитат, но секако страда поради отсуството на нивната мајка. Но, тие имаа доволно забава и семеен круг кој се погрижи да не им недостига наклонетост“.

Принцот исто така рекол дека гласините за состојбата на неговиот брак „не го мачат премногу“.
Шарлин минатиот понеделник се врати кај сопругот и близнаците Жак и Габриела во Монако по десетмесечно отсуство. Таа се опоравуваше од операцијата по инфекцијата на синусите што ја добила за време на патувањето во нејзината родна Јужна Африка на почетокот на оваа година.
Пред да замине во јануари, Шарлин ги разбранува духовите во Монако живеејќи во скромен стан со две спални соби над стара фабрика за чоколади, а не во самата палата.

Отсуството на принцезата уследи по гласините во декември минатата година дека Алберт имал вонбрачно дете (што би било негово трето, доколку се докаже) со неименувана Бразилка во време кога тој и Шарлин, поранешна јужноафриканска олимписка пливачка, веќе биле во врска.

Фото: Принтскрин/Instagram

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Каква е поврзаноста помеѓу контактот со очи и заљубеноста? Научниците имаат интересни одговори!

Се прашувате дали личноста што ви се допаѓа ги споделува вашите чувства? Психологијата вели дека …