Шест начини најбезболно да го намалите внесувањето на шеќер

Елиминирањето на шеќерот од вашата исхрана не е само корисно за губење на тежината, туку е исто така важно за долгорочно здравје. Сепак, не е лесно да се откажете од намирниците со шеќер, но постојат одредени совети кои можат да ви помогнат да го направите процесот што е можно „побезболен“.
Постојат природни шеќери – како фруктоза во многу овошја и лактоза во млечни производи – што треба да ги консумирате умерено, бидејќи тие имаат витамини и минерали што му се потребни на вашето тело.
Потоа, постојат додадени шеќери кои често може да се најдат во одредена храна и пијалоци, како што е лебот, кечапот и газираните сокови. Кога се консумираат со преработена храна, тие се поврзани со дебелина и хипертензија.

Постојат конкретни работи што можете да ги направите за да го намалите внесот на шеќер, пишува Insider.

Прегледајте што јадете секој ден
Размислете што обично јадете. Прочитајте ги етикетите и проверете ги состојките. Можеби ќе бидете многу изненадени од тоа колку шеќер има во одредени ставки, или можеби ќе бидете изненадени што сте нашле шеќер дури и на листата на состојки во нешто што не е слатко.

Започнете со мали промени
Не обидувајте се да го исфрлите шеќерот одеднаш. Ова може да ја влоши желбата за шеќер и симптомите што се јавуваат по исфрлањето на оваа храна. Ако направите мали чекори, полесно ќе се држите до промените што ги воведувате и побрзо ќе формирате нови навики.