ekran платформа за слободоумни
Светските медиуми зујат за наводната тајна љубовна врска на Селена Гомез со актерот Крис Еванс, и тоа шест години откако таа јавно проговори за своите симпатии кон него.
Имено, по врската со Викенд, Селена не беше поврзана со ниту еден маж освен постојаната врска со Застин Бибер, меѓутоа, како што стојат работите, се чини дека таа сепак вплови во врска со еден од најпосакуваните момци во Холивуд, шест години откако призна дека негувала симпатии кон него.
EXCLUSIVE: Chris Evans and Selena Gomez was spotted leaving the same restaurant, the two superstars started following eachother recently on IG too 👀
rumours been saying that they're dating ! pic.twitter.com/HRqxIsnasf
— RIRI🔪 (fvck locals) (@itaintriri) October 1, 2021
Гласините за тајната врска помеѓу пејачката и актерот започнаа да кружат на почетокот на октомври, откако Крис и Селена, наводно, биле забележани како го напуштаат истиот ресторан во Лос Анџелес.
Иако двојката не била фотографирана заедно, снимките од папараците откриле дека парот бил на иста локација приближно во исто време, поради што некои обожаватели поверувале дека го напуштиле ресторанот одделно за да не предизвикаат никакви шпекулации.
Само неколку дена претходно, двојката беше забележана како го напушта истото студио, кое се чини дека само ги зацврсти теориите на обожавателите.
Набргу откако нивните заеднички фотографии од ресторанот беа објавени на Интернет, фановите забележаа дека актерот започнал да ја следи Селена на Инстаграм. Ова можеби нема да биде толку значајно, ако Крис не следеше само 200 луѓе на Инстаграм, па јасно е дека треба добро да размисли кого ќе следи на оваа социјална мрежа.
Да потсетиме, пред по првпат да започнат гласини за излегување на Селена и Крис, пејачката и актерка признала во шоуто „Live With Andy Cohen“ дека „се заљубила“ во Капетан Америка.
„Заљубена сум во Крис Еванс. Зарем не е симпатичен? Многу е убав“, рекла тогаш Селена.
Фото: Принтскрин/YouTube
