ekran платформа за слободоумни
Возачот на Мерцедес, Валтери Ботас, славеше на трката за ГН на Турција, 16-та трка од овогодинешниот шампионат во Формула 1.
Финецот ја забележа првата победа по една година на патеката „Истанбул парк“ во променливи услови, и јубилејната, 10 -та во кариерата.
VALTTERI BOTTAS TAKES THE 🏁
He converts pole position into his first win of 2021!
Max Verstappen (P2) and Sergio Perez (P3) complete the podium#TurkishGP 🇹🇷 #F1 pic.twitter.com/Uhp6HRuDCO
— Formula 1 (@F1) October 10, 2021
Ботас мина низ целта со предност од околу 15 секунди пред Макс Ферстапен во болидот на Ред Бул. На двајцата на подиумот им се придружи уште еден возач на австрискиот тим, Серхио Перез.
Бранителот на титулата Луис Хамилтон го освои петтото место откако стартуваше од 11 -та позиција, и иако сакаше да ја заврши трката со истите гуми на кои стартуваше и со тоа потенцијално да стигне до подиумот, Мерцедес се одлучи за поинаква тактика.
Ботас возеше маестрална трка во Истанбул, тој водеше во најголем дел, а неговата прва позиција беше загрозена само кога Чарлс Леклер остана подолго на патеката, па дури и се обиде да не оди во боксот за да ги смени гумите. Сепак, грешките на Монегасканинот го чинеа многу, и пред да одлучи да тргне по нови гуми, возачот на Мерцедес рутински го претекна, а потоа ја заврши трката без проблеми.
MAX: "It was not easy today! I'm happy to finish second, in these conditions it would have been easy to get it wrong"#TurkishGP 🇹🇷 #F1 pic.twitter.com/Dit9iTwAEd
— Formula 1 (@F1) October 10, 2021
Ферстапен возеше прилично осамена трка зад Ботас, бидејќи во ниту еден момент не можеше да го загрози, а само некое време се плашеше поради Леклер. Перез дојде до последното место на подиумот во дуел со возачот на Ферари, кој почна сериозно да губи чекор со новите гуми. Иако се чинеше дека и Хамилтон може да му се закани, седумкратниот светски шампион претрпе голем притисок од Пјер Гасли во болидот на Алфа Таури во самиот финиш, но успеа да се одбрани.
LAP 55/58
Hamilton not only has Leclerc in front, he's also got Gasly close on his tail with Norris not far behind#TurkishGP 🇹🇷 #F1 pic.twitter.com/hdf2UT8Rdx
— Formula 1 (@F1) October 10, 2021
Британскиот возач беше најбрз во квалификациите во саботата, но беше преместен на 11 -та позиција поради замена на моторот со внатрешно согорување. Од почетокот на трката, тој се проби практично без никакви проблеми, иако Јуки Цунода направи се за да му ја отежни работата неколку круга, но остана заглавен зад Перез, на петтата позиција, пред мексиканскиот возач да замине во бокс. Кога сите тргнаа по нови гуми освен него, Хамилтон одржа место на подиумот, 10 секунди пред Леклер, но со многу полош ритам, поради што тимот го покани во бокс, и покрај противењето.
Great work from @ValtteriBottas today 👏#TurkishGP 🇹🇷 #F1 pic.twitter.com/U24u9xfZAl
— Formula 1 (@F1) October 10, 2021
На крајот, Гасли заостана две и пол секунди зад Британецот, и покрај пеналот од пет секунди поради инцидентот на почетокот со Фернандо Алонсо. Три секунди зад Французинот беше Ландо Норис во Мекларен, пред возачот на Ферари, Карлос Саинс Јуниор, кој се истакна со одлично претекнување и пробивање по стартот одзади. Освојувачите на поени беа пополнети од Ленс Строл во Астон Мартин и Естебан Окон во болидот Алпина.
Фото: Принтскрин/Twitter
