Формула 1: Норис во недела во Сочи тргнува од пол позицијата

Ландо Норис ја освои пол -позицијата во квалификациите пред неделната трка за Големата награда на Русија.
Норис стигна до првата стартна позиција во последниот круг од возбудливите квалификации. Три минути пред крајот на Q3 делот од квалификациите, Луис Хамилтон имаше најдобро време, но на крајот во Сочи ќе стартува од четвртата стартна позиција.
Хамилтон го оштети предниот дел на болидот откако влезе во боксот пред финишот на квалификациите, откако удри во оградата.

Затоа спектаклот на крајот од квалификациите ни го приредија Норис, Сајнс и Расел.
Се чинеше дека Карлос Сајнс можеби е на пол -позицијата, но Норис беше тој на кој што најмногу му се исплатеше вистинската трка во квалификациите.
Пласманот на крајот е следниот – Норис беше најбрз, потоа Карлос Сајнс, Џорџ Расел, Луис Хамилтон и Даниел Рикардо на петтата позиција.
Првите десет ги комплетираа Фернандо Алонсо, Валтери Ботас, Ленс Строл, Серхио Перез и Естебан Окон.
Водечкиот во генералниот пласман, Макс Ферстапен ќе стартува од последното место поради казната што ја доби за промена на погонската единица.

Фото: Принтскрин/Twitter

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Почна судењето на Бензема, му се заканува казна од пет години затвор

Истражителите велат дека Бензема го охрабрил Валбуена да им плати на уценувачите откако му ги …