Милиони луѓе живеат со состојба за која не знаат дека ја имаат: Еве кои се симптомите!

НОВО истражување покажало дека во последните 30 години, повеќе од половина од населението има висок крвен притисок, или хипертензија, што не го третираат.
Високиот крвен притисок е многу чест проблем. Меѓутоа, ако не се знае за него и не се држи под контрола, може драстично да ги зголеми шансите за мозочен удар, срцеви заболувања и бубрежни заболувања.
Глобалната студија објавена во „The Lancet“ го разгледа мерењето на крвниот притисок од повеќе од 100 милиони луѓе во текот на три децении од 184. земји.


Откриено е дека скоро половина од луѓето со хипертензија ширум светот во 2019. година не биле свесни за нивната состојба, а повеќе од половина од жените и мажите со оваа состојба не биле лекувани.
Бројот на возрасни лица на возраст од 30 до 79 години кои живеат со хипертензија во светот се удвои во последните 30 години. Бројките се зголемија од околу 331 милиони жени и 317 милиони мажи во 1990 година на 626 милиони жени и 652 милиони мажи во 2019 година.


Симптоми на хипертензија на кои треба да внимавате:
– тешки главоболки
– замор или конфузија
– проблеми со видот
– болка во градите
– тешкотии при дишењето
– неправилно чукање на срцето
– крв во урината
– пулсирања во градите, вратот или ушите.
Експертите советуваат дека ако почувствувате некој од овие симптоми, најдобро е да го контактирате вашиот лекар за совет и евентуални дополнителни тестови.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Тужба за СЗО: „Ми ја уништувате работата. Размислете …“

Сибирскиот претприемач ја има несреќата што неговата компанија се вика Омикрон и се занимава со …