НУЦК „Марко Цепенков“ – Прилеп: Вечер со пијано  со пијанистите Денис Најдоски и Тамара Глигоровска

На  22 јуни 2021/ вторник/ од 20.00 ч. во фоајето од ЦК „Марко Цепенков“ ќе се одржи  концерт насловен Вечер со пијано. Настапуваат пијанистите Денис Најдоски и Тамара Глигоровска.

Програма

Лудвиг Ван Бетовен – 8 Варијации на тема Валдштајн WoO 67

Франц Шуберт – Фантазија f moll D940

П. И. Чајковски – С. Рахмањинов: Свита за пијано „ Заспаната убавица “

Интродукција / Самовилата на јоргованите

– Адаѓо

– Мачорот во чизми и белата мачка

– Панорама

– Валцер

Биографија

Денис Најдоски е млад пијанист од Прилеп каде што и го завршува основното музичко училиштево класата на проф. Михајло Стојкоски. Во 2006 година своето образование го продолжува во класата на м-г проф. Снежана Анастасова – Чадиковска во ДМБУЦ „ Илија Николовски – Луј “ Скопје, а во 2015 година дипломира со висок просек на факултетот за музичка уметност во Скопје во класата на м-г проф. Рита Трпчева-Поповиќ. За време на неговото школување како солист настапува на голем број државни и меѓународни натпревари каде што освојува значајни награди и признанија, концерти во земјава и надвор од неа, како и редовно учество на семинари кај врвни пијано педагози од Македонија, Србија, Швајцарија, Словенија, Русија. Покрај солистичките настапи редовно настапува и како член на камерни состави ( дуо Пијано, Пијано трио ) од кои се издвојуваат – лауреат на државен натпревар по камерна музика, концерти на Скопско Лето, Есенски музички свечености, Прилепско културно лето. Од 2015 год работи во ООМУ „ Ордан Михајлоски – Оцка “ – Прилеп како професор по пијано и корепетиција. Неговите ученици земаат редовно учество на голем број концерти и натпревари, каде што постигнуваат значајни резултати во државата но и надвор од неа. Зема активно учество на голем број натпревари како пијано соработник ( С. Македонија, Србија, Косово, Бугарија, Грција ), а од 2019 год. е пијано соработник на реномираниот протопсалт Никодимос Кабарнос ( Грција ) каде што заедно настапуваат низ Р. Грција и Р. Романија. Во моментов ја завршува неговата специјализација по источно-црковна музика на Атинскиот конзерваториум при Атинската Архиепископија.

Тамара Глигоровска е родена 1994 година во Скопје, Р. Македонија каде завршува основно и средно образование. Своите студии ги продолжува на Факултетот за музичка уметност во Скопје, во класата на проф. Рита Трпчева Поповиќ и дипломира во 2018 година на инструменталниот оддел отсек пијано. Учествува на повеќе државни и меѓународни натпревари во Македонија и Р. Србија. По завршувањето на студиите работи како професор по пијано во приватно музичко училиште ПијаноАрт во Скопје. Настапува на многубројни концерти и фестивали меѓу кои Есенски музички свечености и Скопско лето, а исто така посетува и семинари кај еминентни професори меѓу кои Јури Кот (Украина), Жени Захариева (Бугарија), Ксавие ла Комте (Франција). Во моментов живее и работи во музичкото училиште во Охрид и ги подготвува своите мастер студии.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Филхармонија и „Архангел” за поубаво Скопје

Tрадиционално во соработка со град Скопје, на 26 јули, во 21 часот во Градскиот Парк ќе се …