Министерката Стефоска и амбасадорот на ЕУ, Гир ја најавија новата програма Креативна Европа 2021 – 2027 година

Со тркалезна маса на тема „Креативна Европа – Перспективите на Западен Балкан”, денеска заврши тридневниот циклус на јавни настани на Министерството за култура и Канцеларијата на Креативна Европа – Култура – „Креативна Европа – Дома”, посветени на поддржаните проекти  во периодот 2014-2020 година, како и нивната рефлексија на национално и на регионално ниво.

Министерката за култура, Ирена Стефоска и амбасадорот на Европската Унија во нашата држава, Дејвид Гир, на  денешната тркалезна маса посветена на предизвиците и рефлексијата на програмата Креативна Европа – Култура на ЕУ,  во своите обраќања се осврнаа на резултатите од претходниот програмски циклус, а го најавија и  почетокот на новата програма Креативна Европа 2021 – 2027 година, која на крајот од минатиот месец беше усвоена од страна на Европскиот парламент.

Стефоска истакнувајќи ги  досегашните резултати на нашата држава, потврди дека Министерството за култура веќе изрази интерес за учество во новата програма, како и подготвеност за потпишување на Грант договор со Европската Комисија.

„Во текот на овој циклус поддржани се 79 проекти на невладини организации, издавачки куќи, национални и локални установи од областа на културата, а поддршката на ЕУ за овие македонските организации изнесува 4, 5 милиони евра. Издвачкиот сектор во нашата држава уште еднаш ја потврди исклучителната посветеност и успех во рамки на оваа програма на европско ниво, а Министрството за култура, секако продолжува со ко-финансирање на поддржаните проекти”, рече министерката Стефоска.

Таа додаде дека како координативно тело за спроведување на програмата на национално ниво, Министерството и во иднина ќе продолжи  преку конкретни мерки  да одговори на предизвиците базирани на досегашните искуства од спроведувањето на програмата на национално и локално ниво, а се со цел олеснување на пристапот во новата програма на што поголем број корисници од културните и креативните сектори.

Амбасадорот на Европската Унија во нашата држава, Дејвид Гир на тркалезната маса истакна дека културниот и креативниот сектор секогаш играле главна улога во животот на Европа и ги ширеле европските вредности. Тој истакна дека  културниот и креативниот сектор претствуваат 4,2 процент од европскиот вкупен БДП и 3,8 проценти од работната сила во ЕУ и се меѓу најдинамичните сектори во Европа. Повикувајќи се на информации од ЕУРОСТАТ, Гир кажа дека во културата и во креативниот сектор се  вработени 8,7 милиони луѓе во ЕУ. 

„Програмата Креативна Европа на некој начин консолидирана форма на поддршката на ЕУ за овие индустрии. Во периодот од 2014 до 2020 преку оваа програма се доделени преку 13.000 грантови, а ја искористиле 41 земја. Кофинансирани се близу 16.500 културни проекти за соработка во Европа, рече, меѓудругото, тој.

На крајот министерката за култура потврди дека Министерството за култура и во иднина останува целосно посветено во спроведувањето на евроатланската агенда на Владата на РСМ која не може да се замисли без заедничка соработка со сите учесници во културните и општствените процеси.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Охрид, од 7-9 август проекции од проектот НИЕ СМЕ ТУКА: ИДНИ ЕКОЛОГИИ

ИДНИТЕ ЕКОЛОГИИ е една од петте уметничко-филмски програми на проектот НИЕ СМЕ ТУКА: програма за …