Градоначалникот Богдановиќ подели топли оброци и пакети на социјално ранливите семејства од Маџир Маало и Крњево

Денес, на Велики петок, во очи на големиот христијански празник Велгиден, градоначалникот на Општина Центар, Саша Богдановиќ, со дел од колегите од општината и волонтери од невладината „Банка за Храна“, поделија топли оброци и пакети со храна и хигиенски прозиводи на семејства од социјално ранливи категории во населбите Маџир Маало и Крњево.

„Благодарен за несебичната хуманост и поддршка на сите општествено одговорни компании и поединци, кои се вклучија во оваа акција на денешниот голем христијански празник и заедно им овозможивме на нашите сограѓани да ги прослават празниците со топол оброк во нивните домови. На граѓаните им посакувам среќен празник и добро да ги служи здравјето во деновите и месеците кои доаѓаат“, изјави градоначалникот Богдановиќ.

Во хуманитарната акција се вклучија и општинските детски градинки во кои децата, родителите и вработените, обезбедија прехранбени продукти и хигиенски прозиводи за семејствата што живеат во социјален ризик во населбите Кале, Маџир Маало и Крњево, по повод празниците Велигден и Рамазан. Изминатиот период Општина Центар обезбеди помош и поддршка за децата од Специјалниот завод  „Демир Капија“, кои живеат во мали групни домови на територијата на општината и донации за приматели на социјална помош, згрижувачки семејства и пензионери со ниски примања.

Оваа хуманитарна донација е обезбедена од страна на општината, во соработка со општествено одговорни компании, поединци и голем број економски оператори. Општина Центар како одговорна локална самоуправа и општина која што се грижи за добросостојбата на сите свои граѓани, особено во време на активна пандемија на КОВИД 19 и во наредниот период ќе продолжи со редовните хуманитарни активности.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Денес се слави Свети Атанасиј Велики, архиепископ Александриски: Око на црквата!

На денешен ден се празнува преносот на неговите мошти и чудата произлезени од нив. Роден …