Најновото истражување со лоши вести: Коронавирусот може да убие и 6. месеци по опоравувањето

Според најновото истражување објавено во научниот магазин „Nature“, лицата кои се имаат опоравено од коронавирусот имаат 60% поголем ризик од смрт и’ шест месеци откако оздравиле, во однос на луѓето кои што не се заразиле.
Научниците до тие податоци дошле при пребројувањето на смртните случаи од коронавирус, кога било заклучено дека вкупниот број е многу поголем, изјавил директорот на Клиничко-епидемиолошкиот центар при универзитетот во Вашингтон, Зијад Ел Али, кој бил и шеф на самото истражување.
Како што објаснил, тоа е затоа што најголемиот дел од смртните случаи предизвикани од компликации поради коронавирусот, не се водат како такви.
„Тоа што сега го гледаме е само врвот од сантата мраз“, изјавил Али.


При истражувањето, како што објаснува Али, истражувачите користеле податоци од електронските бази на податоци на американските министерства.
Истражувањето опфатило повеќе од 87. илјади пациенти и покажало дека пациентите кои не биле хоспитализирани, а имале потежок облик на коронавирус, можеле да развијат компликации неколку месеци подоцна и тоа респираторни проблеми, болести на нервниот систем, ментални болести, како и кардиоваскуларни и гастроентеролошки проблеми.
„Неверојатно е што овој вирус може да предизвика голем број на долготрајни последици“, изјавил Али.
Порачал и дека најдобар начин за тоа да се спречи е превенцијата, односно примање на вакцина против коронавирусот.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) СРЕЌНО СЕМЕЈСТВО: Алек Болдвин на премиера дошол со сопругата и шесте деца!

Алек Болдвин (63) и неговата сопруга Хиларија (37) присуствуваа на премиерата на неговиот нов филм …