(ВИДЕО) Најголем скандал во бракот на принцот Филип и кралицата Елизабета

Сопругот на кралицата Елизабета Втора, принцот Филип, почина на 99-годишна возраст. Двајцата имаа најдолг кралски брак во историјата – седум долги децении, заедно преживеаја војна, семејни превирања и бурен живот на политичката сцена.
Роден во благородничко семејство на 10. јуни 1921 година, Филип беше син на грчкиот и дански принц Ендру и принцезата Алиса од Батенберг. Принцот е потомок на кралицата Викторија. И покрај тоа што е роден во Грција, тој пораснал пред се во Англија и се приклучил на британската кралска морнарица, каде служеше за време на Втората светска војна.
Додека бил на Кралскиот поморски колеџ во 1939. година, 18-годишниот Филип ја запознал својата 13-годишна далечна братучетка, принцезата Елизабета. Младата ќерка на англискиот крал била воодушевена од Филип и наскоро започнале преписки.

Првиот знак дека се предодредени за заедничка иднина се појавила кога нивна слика се појавила на венчавката на заеднички братучед, во октомври 1946. година. Тие биле видени пред вратата на опатијата во Хемпшир – додека Елизабета го соблекувала палтото, Филип ја гледал со насмевка.
После тоа, тие започнале да поминуваат се повеќе време заедно, особено кога Филип прифатил работа во офицерско училиште во Англија.
„Викендите ги минуваше со нас, а кога училиштето беше затворено, тој помина шест недели во Балморал“, напишала Елизабет во писмото до Бети Шу во 1947. година, кое било на аукција во април 2016. година.

 

View this post on Instagram

 

A post shared by RTSinfo (@rtsinfo)

Пред свршувачката уживале во возење спортски автомобили и заедно оделе на патувања. Филип наскоро се откажал од грчките и данските титули – и полагање право на странски престол – и станал британски државјанин, прифаќајќи го презимето Монтбатен од семејството на неговата мајка.
Двојката се венчашла на 20. ноември 1947. година, на спектакуларна церемонија во лондонската опатија Вестминстер – истото место каде што принцот Вилијам се ожени со Кејт во 2011. година.
Младата, убава принцеза Елизабета и високиот, убав принц Филип им донеле голема радост на луѓето – нешто што сигурно било потребно во ноември 1947. година, само две години по завршувањето на Втората светска војна.

По венчавката, Елизабет и Филип поминаа околу две години на Малта, додека тој бил сместен таму во морнарицата. Времето што парот го поминал на островот било, забележал биографот Бен Пимлот, „најнормалното“ во целиот живот на парот. Родени се принцот Чарлс и принцезата Ана.
Но, трагедијата го снајде младиот пар за помалку од две години подоцна, кога кралот Џорџ Шести починал од рак на белите дробови на само 56. години на 6. февруари 1952. година. Започнало владеењето на Елизабета Втора.

Ова значеше дека принцот Филип мораше да ги напушти своите амбиции за да и служи на круната, а тоа беше улогата со која првично се бореше – и најголемата расправија помеѓу принцот и кралицата.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

ЈП КОМУНАЛНА ХИГИЕНА-СКОПЈЕ ЗАПОЧНУВА AKЦИЈА ЗА СОБИРАЊЕ КАБАСТ ОТПАД ВО СИТЕ СКОПСКИ ОПШТИНИ

Во периодот од 18 до 22 мај 2021 година,  ЈП Комунална хигиена–Скопје ќе спроведе акција за собирање …