ekran платформа за слободоумни
Селекторот и капитен на македонската ракометна репрезентација, Кирил Лазаров, стана рекордер по број на одиграни натпревари во Лигата на шампионите.
Лазаров кој настапува за Нант, синоќа на гостувањето кај Киелце, го одигра својот 250. натпревар во елитното ракометно натпреварување.
Досегашниот рекорд му припаѓаше на легендарниот голман Арпад Штербик со 249 настапи, а трет на вечната листа е уште еден голман, Тиери Омејер со 240 настапи.
Воедно, Лазаров е и најдобриот стрелец во историјата на Лигата на шампионите.
Селекторот и играч на Македонија, Кирил Лазаров нема да замине во играчка пензија, откако прифатил да биде дел од составот на Нант и за следната сезона.
View this post on Instagram
Како што најавува „Л`Екип“, Лазаров верува дека има уште многу ракомет во него и ќе се обиде да одигра уште една сезона на високо ниво.
Лазаров е дел од Нант од 2017 година, во меѓувреме стана селектор на Македонија а имаше и понуди од Барселона за да биде дел од тренерскиот тим на екипата од Шпанија.
Фото: Принтскрин/Instagram
