НОБ: Концертна изведба на „Кармен“ – Жорж Бизе

Во петок, 12 март, со почеток во 19 часот, Националната опера и балет ви ја најавува концертната изведба на ремек делото на Жорж Бизе, операта „Кармен“ , една од најпознатите опери во историјата.

Диригент е Бисера Чадловска.

Во главните улоги настапуваат солистите Зоран Сотиров, Ристе Велков, Злата Тошевска, Катерина Стојановска, Марика Поповиќ, Драган Ампов, Дејан Стоев и Ернест Ибраимовски, а во улогата на Кармен, премиерно ќе настапи Николина Јаневска.

Настапуваат хорот и оркестарот на Националната опера и балет.

Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести. Задолжително е носење на заштитна маска.

Влезот за публика ќе биде отворен еден час пред почетокот на настанот. Билетите се во строго ограничен број!