ekran платформа за слободоумни
Светската здравствена организација (СЗО) во моментов е против воведување на специјални сертификати или ковид пасоши за лица кои примиле вакцина против коронавирус, изјави денеска претставникот на СЗО во Русија, Мелита Вујиновиќ.
„Светската здравствена организација е јасна по ова прашање и во овој момент не препорачува ваков вид пасош“, изјавила Мелита Вујиновиќ за телевизискиот канал „Русија 24“.
Во исто време, Вујиновиќ не ја исклучува можноста СЗО во еден момент да даде свои предлози за содржината на пасошот.
Ковид-пасош: „Спротивно на доброволното вакцинирање“
„Секако, земјите го следат нивниот курс, секој се обидува да им овозможи на своите граѓани да можат да се движат што е можно повеќе. СЗО ќе соработува со сите земји по ова прашање”, додала таа.
Во понеделникот, претседателката на Европската комисија Урсула фон дер Лајен рекла дека комисијата ќе го претстави својот проект на единствен сертификат за вакцинација во март.
