(ФОТО) СРАМНО – Поранешниот француски претседател Никола Саркози осуден за корупција

Поранешниот француски претседател Никола Саркози е осуден за мито и злоупотреба на службената положба.
Тој ќе оди во затвор една година со две условни казни.
66-годишниот политичар, кој беше претседател од 2007. до 2012. година, беше осуден затоа што се обидел незаконски да дознае информации за правните постапки преземени против него во истрагата и неговата претседателска кампања од правен советник во 2014. година. За возврат, тој понудил помош за стекнување позиција во Монако. Против Саркози беше покрената истрага за финансирање на кампањата поради обвинувањата дека во 2007.година, за време на претседателската кампања, тој прифатил нелегални плаќања од наследникот на компанијата „Лореал“, Лилијан Бетнакур.
Аферата се дозна врз основа на прислушувањето на Саркози и неговиот адвокат Тиери Херцог, откако Саркози ја напушти Елисејската палата и поради друга афера – дека Либија ја финансирала неговата кампања.
Адвокатот на Саркози, Тиери Херцог беше осуден на три години затвор, од кои две беа условени за давање мито и кршење на професионални тајни, како и за петгодишна забрана за професионална пракса, пренесува француски „Монд“.

 

View this post on Instagram

 

A post shared by Yeni Vaxt (@yenivaxt)

Судијата на Касациониот суд Гилберт Азиберт бил осуден на иста затворска казна, за пасивна корупција и откривање на службена тајна. Во образложението на пресудата, Судот навел дека Никола Саркози го искористил својот статус на поранешен претседател на Франција и дека неговите потези ја поткопале довербата на јавноста во одлуките на Касациониот суд.
Се додава дека Обвинителството побарал четири години затвор за Саркози, сметајќи дека тој ја нарушил сликата за претседател во јавноста. За време на судењето, Саркози негирал дека сторил нешто лошо и тврди дека бил жртва на лов на вештерки од страна на канцеларијата на финансиското обвинителство.

На суд беше наведено дека тој ќе има право да побара да ја издржува казната од дома со електронски уред за следење, на ногата.
Саркози ќе се соочи со уште еден судски процес подоцна овој месец, заедно со 13. лица, под обвинение за незаконско финансирање на неговата претседателска кампања во 2012. година.
Ова е прв пат во поновата историја на Франција на поранешниот претседател да му се суди за корупција. Жак Ширак, претходникот на Саркози, беше прогласен за виновен во 2011. година за злоупотреба на народни пари и осуден на условна казна затвор од две години за своите постапки кога беше градоначалник на Париз.

Фото: Принтскрин/Instagram

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.


Видете следно

(ФОТО) За што зборувале кралските браќа? Експертите читале од усните!

По погребот на принцот Филип, нивниот дедо, принцовите Хари и Вилијам биле забележани како заедно …