ГЕРМАНЦИТЕ ОДАЛЕ ПРИЗНАНИЕ: „Спутник V“ една од најпопуларните вакцини во светот

Германскиот весник „Франкфуртер алгемајне цајтунг“ (ФАЗ) во новото истражување пишува за популарноста на руската вакцина Спутник V, која од недела во недела станува дел од програмата за вакцинација во се повеќе земји во светот.
ФАЗ наведува дека досега, 38 земји ја регистрирале руската вакцина.
Од земјите на Европската унија, Унгарија на некој начин прифати ризик од независна набавка на вакцини, а властите на таа земја потенцираа дека не сакаат да чекаат одобрување од Европската агенција за лекови, според ФАЗ.
Исто така, само овој викенд, Чешка ги иницираше првите разговори со рускиот претседател Владимир Путин за можноста за набавка на вакцината Спутник V. Како што наведува германскиот весник, вакцината од руско производство е посебно популарна кај сиромашните земји, бидејќи две дози се доста ефтини и можат да се набават за нешто помалку од 20 долари.
ФАЗ наведува дека руската вакцина е ценета и кај научниците, а доволен доказ за ова тврдење е списанието „Лансет“, кое потврдило дека станува збор за ефикасна вакцина.

 

View this post on Instagram

 

A post shared by Sputnik V (@sputnik_vaccine)

Сомнеж за руската вакцина неодамна изрази претседателката на Европската комисија, Урсула фон дер Лајен, која беше изненаден од фактот дека Русија нуди милиони дози на други земји, додека кампањата за вакцинација во матичната земја сè уште трае, пишува ФАЗ.
На овие изјави на претседателката на ЕК, тие одговорија од руското претставништво при Европската унија и истакнаа дека прашањето за вакцини против вирусот корона не треба да се политизира.
Како што истакнува ФАЗ, по објавувањето на статијата во „Лансет“, руските научници, но и водечките луѓе на Русија, ја искористија можноста да се пофалат со написите во тоа престижно списание.
Рускиот претседател Владимир Путин ја пофали објективноста на „Лансет“, сепак, ФАЗ наведува дека е интересно што Путин, откако тој магазин објави одредени податоци за труењето на Навални, истакна дека не чита медицински списанија.
Сега, откако Спутник V постигна завиден успех, неговиот имиџ и дава можност на Русија да го подобри општото реноме на земјата.
Поради тоа еден од руските фондови за финансирање на производство на вакцини (РДИФ) ја споредил состојбата со вакцините со Втората светска војна.

 

View this post on Instagram

 

A post shared by Sputnik V (@sputnik_vaccine)

„Луѓето задолжени за Спутник V сакаат да постигнат соработка со САД и другите земји за да можеме да се соочиме со предизвиците што претстојат. Исто како што направивме во Втората светска војна“, рекле од РДИФ.
Вакцината Спутник V сè уште не е одобрена во Европската унија. За нејзино одобрување, одговорна е Европската агенција за лекови (ЕМА), која мора да изврши неколку тестови пред да одобри вакцини за пазарот на ЕУ.
Сепак, според ФАЗ, барањата што ЕМА ги испратила до Русија се исклучително сложени.
„Мора да се обезбедат сите податоци за пациентите од студијата и да се прегледаат производствените капацитети. Покрај тоа, ЕМА сега исто така бара сигурни податоци за ефикасноста на вакцината против новите мутации на вирусот. Според Московскиот државен институт ‘Гамалеја’, која ја разви Спутник V, вакцината треба да помогне и против британските и јужноафриканските варијанти на вирусот. Сепак, податоците за тоа сè уште не се објавени“, додава ФАЗ.
Со оглед на првичните успеси на руската вакцина, ФАЗ во својата анализа го покренува и прашањето дали навистина имало потреба од скептицизам кон Спутник V.

Фото: Принтскрин/Instagram

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.


Видете следно

(ФОТО) 7. неверојатни жени постари од 50. години кои ќе ве инспирираат да работите на себе

Одржување на добра физичка форма е исклучително тешко, особено по одредена возраст. Но, за некои …