Зошто некои луѓе се имуни на корона?

Една нова студија спроведена од Универзитетот во „Тор Вергата“ во Рим, во соработка со други експерти од целиот свет, се обидува да ја расветли енигмата за луѓето кои, и покрај тоа што биле изложени на коронавирус, не добиле ковид 19 и не развиле асимптоматска инфекција Тајната може да биде во гените.
Она што ги комплицира работите од самиот почеток кога станува збор за коронавирус е дека некои заразени луѓе може да немаат никакви симптоми, а други развиваат толку тешки компликации што умираат.
Иако сега е јасно дека постарите луѓе, како и оние со хронични заболувања, се изложени на најголем ризик, ова исто така се покажало како дел од приказната бидејќи имало постари луѓе кои ја преживеале инфекцијата без никаков проблем, но и млади луѓе кои починале од ковид 19.
Сепак, најголема енигма се оние кои биле во близок контакт со заразените во неколку наврати и не се заразиле или заболеле. Научниците веќе некое време се обидуваат да откријат зошто некои луѓе се „отпорни“ на вирусот.
Меѓу оние што детално ги проучуваат овие исклучителни случаи на „природен имунитет“ на САРС-КоВ-2 е тим експерти од Универзитетот „Тор Вергата“, предводен од професорот Џузепе Новели, меѓународно реномиран генетичар и поранешен ректор на Универзитетот во Рим. Италијанските научници тесно соработуваат со колегите од Универзитетот „Рокфелер“ во Њујорк и други институти и сите се собрани под покровителство на Меѓународниот конзорциум (Covidhge).
Целта е темелна анализа на ДНК кај луѓето „отпорни“ на короната.


Еден од таквите случаи, за кој пишуваа италијанските медиуми, се однесува на двојка од Терни, која се преселила во Милано. Мажот пред извесно време добил пневмонија, а неговата партнерка го негувала не знаејќи дека би можел да има ковид-19.
Серолошките тестови потврдиле дека е позитивна и дека не е заразена или има асимптоматска инфекција. Како е можно тоа? Тимот на Новели го истражувал овој и другите индивидуални случаи каде имало „отпорни“.
Првичните претпоставки се дека генетиката е одговорна за резистенција, како што е случајот со ХИВ. Познато е дека околу 10. проценти од популацијата носи мутацијата на CCR5 рецепторите, поради што се отпорни на ХИВ. Ова значи дека вирусот не може да влезе во клетките што главно ги инфицира.
Научниците сега веруваат (но сè уште истражуваат) дека оние кои се отпорни на короната можат да имаат една или повеќе мутации кои имаат заштитен ефект. Околу педесет гени идентификувани од експерти од конзорциумот Covidhge се поврзани со подложност на инфекција. Во последниве месеци, научниците на конзорциумот откриле дека 10-15 проценти од тешките случаи на инфекција со коронавирус се должат на генетика, поточно промени што влијаат на функционирањето на интерферонот тип I (IFN I), протеин кој припаѓа на семејството на цитокини и ја регулира активноста на имунолошкиот систем.
Некои сериозни пациенти имаат авто-антитела способни да го нападнат овој протеин и да го уништат, додека други не го произведуваат правилно поради мутации. Според научниците, оние кои се отпорни на короната може да имаат мутиран ген што им овозможува да произведат поголема количина интерферон (прва линија на одбрана од вирусот) и соодветно да бидат заштитени, изјавил Новели за италијанска „Република“.


Во секој случај, „ловот“ за оние кои се навистина имуни – нема да биде лесен, вели Новели.
„Имаме протокол одобрен од нашиот етички комитет. Многумина ни пишуваат дека сакаат да учествуваат во истражувањето, но мора да бидеме сигурни дека ги исполнуваат потребните услови, на пример, дека ги имаат направено сите тестови за ковид“, рекол научникот.
Од друга страна, неговиот колега од Трст, Роберто Лукати, нагласува дека имунитетот кон короната има ограничено времетраење (се проценува најмалку осум месеци) и дека тестовите не се непогрешливи, па идентификувањето на луѓе кои се навистина отпорни ќе биде тешко. Сепак, истражувањето од Универзитетот во „Тор Вергата“, експертите се надеваат дека ќе донесе вредни резултати и ќе ги постави темелите за нови терапии.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.


Видете следно

ПРОБЛЕМИ СО СПИЕЊЕТО: 10. начини да ја победите несоницата

Дали сте од оние кои кога ќе легнат никако не можат да заспијат? Без грижа,  …