Викендов подгответе се за дожд: Во западниот дел од земјата децата ќе можат да уживаат во зимските радости…

Времето денеска ќе биде претежно облачно, од попладневните часови во западните, а до вечерните часови и во останатите делови од земјава ќе има врнежи од дожд. Врнежите попладне во западните делови ќе бидат обилни, а на планините ќе бидат од снег. Во ноќните часови на повеќе места врнежите ќе престанат. Ќе дува слаб до умерен, а вдолж Повардарието и во источните делови засилен ветер од јужен и југоисточен правец (повремено околу 70 км/час). Максималната температура ќе биде во интервал од 7. до 14. степени.
Во Скопје претежно облачно, попладне и во вечерните часови ќе има повремени врнежи од дожд. Ќе дува умерен до засилен југоисточен ветер.
Минималната температура ќе биде во интервал од 1. до 6., а максималната ќе достигне од 6. до 12. степени.

Во недела, претежно во попладневните часови, врнежи ќе има во поголем дел од земјава, ќе бидат со умерен интензитет и на места особено на запад ќе бидат пообилни (понекаде над 25 литри на квадратен метар). На планините во западните делови ќе врне снег кој од вечерните часови ќе паѓа повремено и на повисоките места. Ќе има умерен до засилен јужен ветер, а во понеделник западен ветер.
Поради продор на студена воздушна маса од понеделник кон крајот на денот ќе настапи заладување со врнежи кои ќе преминат во снег и на повисоките места. Во ноќта кон вторник на патиштата ќе има појава на замрзнат дожд и ќе започне да дува умерен до силен северен ветер. Во вторник ќе е ветровито и до крајот на денот врнежите ќе преминат во снег во поголемиот дел од земјата, јавуваат од УХМР.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Институтот Козле доби опрема од донаторската акција што ја организираа Жито Лукс и Тинекс

Колички за дистрибуција на терапија и колички за хигиена доби Институтот за белодробни заболувања кај децата …