(ВИДЕО) Швајцарец на„патеката на смртта“ во Кицбил доживеал страотен пад при брзина од 146,7 км/час

Швајцарецот Урс Криенбул доживеа ужасна несреќа на денешното спуст возење по „патеката на смртта“ во Кицбил.
Криенбул немаше премногу проблеми до самиот крај на трката на легендарниот Штајф и падна на влезот во целта. Со брзина од 146,7 километри на час, се чини дека Швајцарецот погрешно го процени последниот скок на влезот на целта и ја загуби рамнотежата со полна брзина и падна со глава на снегот.

Криенбул остана неподвижен на патеката додека водечкиот Беут Феуз со неверување го гледаше својот сонародник. Трката беше запрена и Криенбул беше пренесен во болница со хеликоптер.
Според првичните информации, Криенбул не бил во можност да зборува, но наводно подоцна се освестил, ги препознал луѓето околу него и треба добро да закрепне.
Трката беше прекината по неговиот пад, а пред Криенбул во заштитната ограда заврши Американецот Рајан Кохран-Сигл, кој се извлече без сериозни последици.

Фото: Скриншот/youtube.com