(ФОТО) Мајка мора да одлучи дали бубрегот ќе го донира на синот или ќерката – и двајцата имаат ретка болест!

САРА БИНГХАМ (41) од Нортамберленд, Велика Британија, се соочила со тешка одлука. Нејзините две најстари деца, 20-годишниот Ноа и 16-годишната Ариел, страдаат од нефронофтиза, цистична бубрежна болест, состојба што ги оштетува бубрезите и предизвикува воспаление и лузни.
Проблемите започнале во 2016. година кога Ариел се пожалила на постојан замор. Во јули истата година, таа билапренесена во болница поради силна болка во стомакот.
Тестирањето открило дека нејзините бубрези функционираат само со 25. проценти од капацитетот, а тој број брзо паднал на 17. проценти.
Во 2019. година, и на Ноа му била дијагностицирана нефронофтиза откако одеднаш се разболе и повратил крв, само неколку дена пред да тргне да студира астрофизика. Тој исто така има гастропареза, состојба во која стомакот не се испразнува правилно, што довело до сериозно слабеење“. Потребна му е дијализа, која неговата сестра Ариел успеала да ја избегне.

Сега и двајцата имаат потреба од трансплантација на бубрег, а нивниот 49-годишен татко Дарил Бингам не може да биде донатор бидејќи тој има различна крвна група, па затоа тешката одлука паднала на мајката.
„Беше навистина тешко кога дознав дека на двајцата им е потребен бубрег и јас можам да донирам само еден. Тоа е неверојатно тешка одлука што никој не може да ја донесе за вас”, изјавила таа за Wales Online.
„Како мајка, сакате да сторите сé за да ги поштедите вашите деца од каква било болка, а јас не можам да им помогнам на двете“, продолжила таа.
Во меѓувреме, откриено е дека двајца семејни пријатели се поклопуваат со Ноа, така што Сара ќе може да и го донира бубрегот на нејзината ќерка.

Професорот Џон Сајер, лекар во болницата Фримен, каде што моментално се лекува Ноа, за Insider изјавил дека верува дека во Велика Британија има 100 деца со оваа дијагноза
„Претпоставувам дека има многу повеќе случаи, но тие не се дијагностицирани“, објаснил тој.
„Тоа е ретка болест кај децата, исто така може да доведе до откажување на бубрезите, обично кај деца на возраст од 13. години, но има и неколку случаи на луѓе кои ја пријавуваат оваа состојба во доцните дваесетти години.
Најмалото дете во семејството, 12-годишниот Каспер, има аутизам, како Ноа и Ариел, и во моментов се тестира за ова пореметување.

„Проблемот со нефронофтизата е дека состојбата е генетски наследна. Ако и двајцата родители ја носат, има една од четири шанси детето да ја добие”, објаснува детскиот нефролог Ричард Т. Тромпетер од болницата Great Ormond Street.
Инаку, над 6.000 луѓе се на списокот на чекање за трансплантација во Велика Британија, а Националната здравствена служба на Велика Британија минатата година објавила 350. смртни случаи.
Според Управата за здравствени ресурси и услуги, 17 лица умираат секој ден чекајќи донација за органи, додека по едно лице се додава на листата на чекање на секои девет минути во САД.

Фото: Facebook

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.


Видете следно

Четири ПРИРОДНИ состојки кои ја намалуваат видливоста на ИРИТАНТНИТЕ СТРИИ

За жал, повеќето жени не можат да избегнат стрии, поради различни животни околности, и тие …