700. епидемиолози за животот после вакцината: Олеснување на лето…

Со доаѓањето на 2021 година, сите со нетрпение чекаме понормално време кога нема да зборуваме за корона и маски секој ден. Дали ќе биде така и каков живот не чека по вакцината против короната, откриваат дури 700. светски епидемиолози.
И иако пристигна вакцината што толку долго ја чекавме, експертите сметаат дека нашите животи нема да се вратат во нормала се’ додека повеќето не се вакцинираат, пишува Њујорк Тајмс. Дотогаш,и епидемиолозите малку попуштија, па како што велат, одат во продавници, се гледаат надвор со пријателите, но сепак се многу внимателни.
Половина од 700-те, кои биле дел од анализата на „Њујорк Тајмс“, велат дека нема да го променат своето лично однесување се додека не се вакцинира 70. проценти од населението, третина ќе смени нешто кога ќе се вакцинираат сами, а помал број мислат дека ќе живееме послободно ова лето ако вакцините бидат дистрибуирани низ целиот свет.
Сепак, повеќето епидемиолози веруваат дека најверојатно ќе можеме да се вратиме во нормалниот стар живот за една година, а можеби дури и за неколку години, според Карин Мичелс, епидемиолог од Универзитетот во У.Ц.Л.А.
Постојат неколку причини за тоа – тие се грижат за тоа колку долго ќе трае имунитетот по приемот на вакцината, дека вирусот може да мутира, дали ќе има проблеми со дистрибуцијата на вакцината низ целиот свет
На прашањето со кои активности биле најмногу ангажирани последниот месец, епидемиолозите издвоиле само три од 23-те понудени – излегување со пријатели, земање пошта без мерки за заштита и одење во продавница и аптека. Избегнувале сè друго што другите сè уште го прават често – скоро никој од нив не одел на спортски настани или концерти, не се среќавале со никого што не го познаваат добро, ниту оделе на свадби и погреби.
Три четвртини од анкетираните епидемиолози велат дека планираат да ги поминат сите празници само со семејството или воопшто да не слават.

 

View this post on Instagram

 

A post shared by World Health Organization (@who)


Олеснување – на лето
Тие се помалку загрижени да останат надвор и да допрат различни површини отколку да останат во затворено, особено каде што има многу луѓе.
„Останувањето внатре со многу луѓе е најризична ситуација, додека најмал ризик доаѓа од дружење со неколку луѓе, со дистанца и претпазливост“, вели Леланд Акерсон, професор на Универзитетот во Масачусетс Лоуел.
Сега, скоро сите се согласуваат дека ќе биде потребно 70% од населението да стекне имунитет за да се достигне имунитетот на стадо, кога вирусот ќе биде речиси целосно изгаснат. И тогаш ќе можеме да се вратиме во стариот живот. Тие тоа, за Соединетите држави, го очекуваат на лето. Но, тие сè уште не знаат дали вакцинираните лица сепак ќе можат да го шират вирусот.
Значи, повеќето веруваат дека многу работи ќе се вратат во нормала во текот на летото, благодарение на вакцината, додека други тврдат дека некои работи ќе останат исти како и сега бидејќи не е откриен лек за короната, а многумина предвидуваат дека маските ќе останат со нас уште некое време, особено во гужвите.
„Мислам дека ќе треба да поминат уште неколку години пред да се чувствувам безбедно на големи преполни собири, во авион“, рекла Бет Молнар, професор на Универзитетот Northeastern.
Други укажуваат на можните долгорочни последици, ефектите на изолацијата врз децата, загубите што многумина ги доживеале, така што важноста на грижата за менталното здравје ќе расте.

 

View this post on Instagram

 

A post shared by World Health Organization (@who)

Што велат епидемиолозите за животот по вакцината
Колку популации треба да се вакцинираат за да се промени однесувањето?
„Ако повеќе од половина луѓе се вакцинирани, ќе се чувствувам малку помалку под стрес и вознемиреност кога ќе излезам надвор. Можеби конечно ќе сакам да јадам со пријателите во ресторан“, рекла Виџаја Л. Сигулам од Универзитетот во Бостон.
„Само кога 80 или повеќе проценти од населението се вакцинирани, можам да се замислам во толпа или на настан со многу луѓе“, вели Џули Бетингер од Универзитетот во Британска Колумбија.

Кога животот ќе се врати во нормала?
„За некои, тоа е веќе нормално и поради тоа, за оние претпазливи, животот ќе се врати во нормала за околу две, три години, барем што се однесува до Америка“, вели Кетрин Бок, професор на Државниот универзитет во Вејн.
„Новата нормална состојба ќе биде со маските во следните 12. до 18. месеци, а можеби и во следните неколку години“, вели Роберта Брух од Институтот за истражување Виталант.
„Поради вакцината, повеќето од мерките ќе бидат релаксирани во летото 2021. година“, вели Мајкл Вебстер Кларк, истражувач на Универзитетот во Северна Каролина.
„Тешко ми е да замислам дека никогаш нема да се вратиме на старо, но верувам дека превентивните мерки како маските ќе станат нормални со текот на времето“, вели Мерилин Ченг, професор во Кал Поли.

Што никогаш нема да се врати во нормала?
„Мојот однос со луѓе кои лесно ја сфаќаа пандемијата и ги игнорираа предупредувањата“, вели Викторија Холт, од Универзитетот во Вашингтон.
„Секој дел од мојот живот што вклучува контакт со кој било друг, освен со сопругата“, вели Чарлс Пул од Универзитетот во Северна Каролина.
„Никогаш повеќе нема да морам да објаснувам што е епидемиолог“, заклучува Џенет Рич Едвардс од Харвард.

Фото: instagram.com/who/

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Тивок убиец на бракот – посмртоносен од пари и секс

На прашањето зошто браковите пропаѓаат, повеќето би одговориле дека причината е лошиот сексуален живот, финансиската …