(ВИДЕО) Навивачите плачеле пред ковчегот на Диего и му фрлале дресови

АРГЕНТИНЦИТЕ цела ноќ се збогувале со Диего Марадона, кој почина вчера на 61. година од срцева слабост. Во моментов, неговиот ковчег е поставен во претседателската палата „Каса Росади“ каде навивачите се збогуваат со него. Повеќето од нив се молат за Марадона и фрлаат дресови и разни други спомени на славниот фудбалер кон ковчегот.
Вчера, во доцните попладневни и ноќни часови, повеќето луѓе се собрале пред најпознатиот споменик во градот, Обелиск. Таму се пеело во чест на еден од најдобрите фудбалери на сите времиња, а луѓето излегоа на улиците во обележјата на Бока јуниорс и аргентинската фудбалска репрезентација.

Собирот пред Каса Росада траеше цела ноќ
Вториот по големина собир се одржа пред Каса Росада, претседателската палата каде во текот на ноќта започнало бдеењето за Марадона, каде за прв пат се појавиле семејството и најблиските пријатели на Диего.

Иако собирот на Плаза де Мајо пред Каса Росада требало да заврши до 6 часот наутро, планот се сменил и ковчегот на Марадона бил однесен на отворениот дел од палатата за да можат Аргентинците да се простат од него.

Не можело да помине без конфликт со полицијата
Со оглед на тоа што многу луѓе сакаат да се збогуваат со Марадона, направен е ред за да можат сите да го сторат тоа. Сепак, не можело да биде без судир со полицијата која била нападната од навивачите на Диего околу 18 часот.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.


Видете следно

Навики што откриваат дека сте пораснале во сиромашно семејство

Не секој е роден „под среќна sвезда“ – толку многу луѓе знаат многу добро како …