ekran платформа за слободоумни
Експерти од Финска денес објавија дека првите резултати од експериментот со кучиња кои го намирисуваат новиот вирус на корона ветуваат, а заменик-градоначалникот Ванта посочил дека резултатите добиени од кучињата се скоро идентични со резултатите од тестовите за ПЦР.
Три кучиња душкале 2.200 патници откако е поставена пробна кабина кон крајот на септември, во ходникот каде што поминуваат патниците на аеродромот Хелсинки-Вантаа и откриле вирус кај 0,6 проценти од патниците.
Иако експериментот ќе продолжи до декември, властите наведуваат дека првите резултати се главно во согласност со стапката на откривање на вируси на тестовите за ПЦР, кои исто така се изведуваат меѓу патниците доброволци по пристигнувањето.
„На аеродромот спроведовме меѓу 16.000 и 17.000 тестови за ПЦР и помалку од еден процент е позитивен“, рекол градоначалникот на Ванта, Тимо Аронкито на прес-конференција.
Според SEEbiz, експериментите спроведени во првиот бран на пандемијата покажуваат дека кучињата можат да го детектираат Ковид-19 со скоро 100 процентна точност и до пет дена пред ПЦР тестот.
Околу стотина патници стојат во ред секој ден за овој вид бесплатно тестирање во Финска, кое бара луѓето да се избришат со марамче и да му дадат на кучето да помириса.
Кучето, ако примерокот е негативен, не се задржува кај тоа марамче.
Научниците од Универзитетот во Хелсинки, кои го смислија експериментот во соработка со експерти за кучиња трагачи од Wise Nose, се надеваат дека нивното истражување ќе ја охрабри владата да го финансира методот и да го лансира на туристички места и други јавни собири.
Исто така, уште едно куче, германскиот овчарот Вало, е на обука.
