Што е поздраво – туна или сардини?

Рибата е здрава, сите го знаеме тоа и треба да биде на нашето мени барем еднаш неделно. Сепак, податоците велат дека повеќето луѓе, од морска риба, консумираат претежно конзервирана туна и сардини, па многумина се прашуваат што од тоа е поздраво и подобро да се јаде.

Витамин Е и калциум
Сардините содржат повеќе витамин Е по порција отколку туната, а содржат и повеќе калциум. Витаминот Е е важен за добра циркулација, а како антиоксиданс се бори против штетните материи во организмот. Калциумот е добар за функцијата на клетките, ја промовира функцијата на нервите и е добар за јаки коски. Ако јадете 170 гр сардини на ден, ќе добиете околу 3,5 мг витамин Е, што е околу 23 проценти од препорачаната дневна доза. Од друга страна, за да добиете иста количина на витамин Е преку туна, треба да јадете двојно повеќе од сардините. Покрај тоа, порција сардини содржи околу 650 мг калциум, околу 65 проценти од препорачаната дневна доза, додека една порција туна содржи само 22 мг калциум, пишува на веб-страницата Tam-fish.com.

Опасност наречена – жива
Живата е еден од најчестите токсини во производите од риба и е исклучително штетен за сите, особено за жените кои планираат бременост, бремените жени и децата. Дозволениот максимален внес на жива е 1,6 μg на килограм телесна тежина неделно. Многумина не знаат дека туната содржи во просек околу 30 μg жива во 100 гр производи во конзерва и може да содржи дури два и пол пати повеќе. Спротивно на тоа, сардините во конзерва содржат околу 10 пати помалку жива, т.е. околу 3 μg на 100 g производ и овој однос е повеќе или помалку константен.


Витамин К
И иако се чини дека сардините водат во споредба со туната, тоа не е баш така. Ако имате недостаток на витамин К, знајте дека има повеќе во туната. Тоа е многу важно за згрутчување на крвта при повреди, но исто така и за градење на ‘рскавица и коски. А една порција туна содржи околу 75 µg витамин К, што е околу 60 проценти од препорачаната дневна доза за повеќето жени, додека една порција сардини има само 4,4 μg.
И кога ќе погледнете сè, не е тешко да се заклучи дека сардините се подобар избор, и покрај фактот дека тие имаат помалку витамин К од туната. Може да го надоместите недостатокот ако јадете повеќе кељ, зелка, спанаќ, брокула, а овој зеленчук одлично оди со сардините.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Marella Stories: Катерина Ангеловска за успехот, духовниот развој, и нивното влијание на нашиот стил

Marella Stories ги истакнуваме успешните дами кои се познати не само по своите достигнувања, туку и …