(ВИДЕО) „Нокаут“ го промовираше видеото за победничката „Сакам да живеам“ од „Макфест“ и ги најавија „жешките“ новости кои ги подготвуваат

Денеска во Music Bar Intermezzo се одржа промоција на видеото на темата „Сакам да живеам“ со која „Нокаут“ победи на годинешното макфестовско издание…


Промоцијата беше проследена и со кратка прес-конференција, а како што може да се види и од фотографиите, беа запазени сите протоколи и мерки за заштита од Ковид-19…

– Режијата е на Јован Куциноски, со кој го рабоетвме и видеото на „Позитивно“. Спотот е снимен на локации во Маврово и во Охрид. Се надеваме дека успеваме на најдобар можен начин да ги пренесеме емоциите кои ги носи самата песна – изјави Никола Перевски – Пере на денешната промоција.

Бендот го најави и документарниот филм со работен наслов „ Би се викал Нокаут“ во режија на нивниот драг пријател Владимир Митревски Ѓуле.

– Тој заедно со неговата екипа последниве неколку месеци не следи секаде каде што одиме и лови интересни моменти од нашите настапи, проби, дружби. Во него ќе бидат вклучени и песните од новиот албум , кои се снимени во живо , само за потребите на документарецот.Ветуваме необичен видео документ со многу необична приказна – откри Перевски.

Новиот , четврти студиски албум на „Нокаут“, е во завршна фаза. Дел од песните кои ќе се најдат на изданието се веќе објавени. А дел од нив се комплетно нови. Промоцијата се планира за почетокот на следната година. На промоцијата беше претставено и новото ребрендирано лого, кое ќе биде белег на следни проекти бендот. Дизајнот на логото го направи Андреј Марјановиќ.


Интересно е што младиот Филип Неделковски, кој главно е познат по своите композиции не продолжи по стапките на својот познат татко Огнен Неделковски, (наш најпоознат автор на текстови) туку својот талент го искористи за создавање ноти…

Музика: Никола Перевски и Филип Неделковски
Аранжман: Никола Перевски
Текст: Огнен Неделковски
Продукција: Дарко Димитров
Режија на спотот: Јован Куциновски (Emotion)

НОКАУТ
Никола Перевски – вокал, гитара, пратечки вокали
Горјан Петровски – гитара
Борче Кузмановски – клавијатура
Виктор Николовски – бас гитара
Горан Кавраков – саксофон
Благоја Антовски – тапани

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Меркел подготвила нови, строги, мерки: Ќе ја „уништи“ корона до Божик

Поттикнати од желбата на канцеларката за „заеднички пристап“ во борбата против пандемијата на коронавирусот, премиерите …