Запознајте ги Стела и Сани – новите најдобри другарчиња на децата

Издавачкиот центар ТРИ, преку својот подбренд Паблишер, а во соработка со „Вертиго Висуал“, го лансира својот најнов проект – прв целосно авторски бренд кој нуди забава и едукативна содржина за деца од 1 до 10 години според највисоките светски стандарди.

„Стела и Сани“ се новите неодоливи ликови кои ќе бидат верни пријателчиња на секое дете. Низ комбинација од едукативни и музички видеа, сликовници, книги и интерактивни игри, тие ќе ги подучуваат и забавуваат децата низ многу фази од нивното растење и ќе ги поведат на многу заеднички авантури.

Проектот се состои одоригинални анимирани видеа работени во висококвалитетна 3D технологија, кои ќе бидат објавени на македонски и албански јазик, а ќе бидат надополнети со авторска музика за деца, создадена наменски за секое видео. Реализацијата во 3D технологија со анимираните ликови Стела и Сани е нешто што досега не е направено во нашата држава, а квалитетот што го носат е на нивото на најпознатите европски и светски продукциски куќи.

Она што нѐ прави особено горди е што во самиот проект е предвидено издавање на три посебни едиции на книги за деца на кои работат домашни реномирани автори, илустратори и креативци, со цел да се направат врвни изданија што одговараат на светските стандарди. За таа цел, ТРИ во проектот ги вклучи нашите најпознати писателски имиња како Винка Саздова, Венко Андоновски, Јагода Михајловска-Георгиева. Една од главните цели на проектот е да се зачува и афирмира јазикот, како македонскиот така и албанскиот, и да понуди свежа и оригинална детска содржина која обработува теми и специфики од нашето поднебје.
Проектот вклучува и изданија наменети за различните категории литература за деца – први читанки, сказни, детска белетристика. Официјално ја промовираме и првата книга од проектот, сликовницата „Во овој балон нема место за еден слон“. Оваа шарена приказна со неочекуван крај,  од денесможе да се најде во нашите книжарници и во продажната мрежа на ТРИ.

Со овој проект сакаме да го пополниме големиот недостиг на оригинална и квалитетна македонска видео и аудиосодржина за деца, како и на литература за деца, и да им овозможиме на децата уште од најрана возраст пристап до едукативни видеа и содржини со кои ќе се забавуваат и едуцираат. Со тоа промовираме вредности преку игра, учење на азбуката од почеток до крај и создавање поучна содржина што ќе биде интересна за децата од различни возрасти. Вредност која ќе трае и ќе се пренесува низ генерациите.

Нека биде ова создавање на еден нов свет за анимација и едукација за сите наши деца!

Очекувајте забавно и едукативно патување со ликовите на Стела и Сани!

 

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Швајцарската драма „Хронофобија“ во кино „Милениум“ -хроника на невозможна љубовна приказна-

Швајцарската драма „Хронофобија“ во режија на Франческо Рици е на реперторот на киното „Милениум“ во …