(ФОТО) Нема истрага против Хамилтон: Шампионот не се откажува од борбата за правда!

Меѓународната автомобилска федерација (ФИА) нема да започне истрага против Луис Хамилтон, шесткратниот светски шампион во Формула 1.
Возачот на Мерцедес носеше маица со натпис во врска со убиството на Афроамериканката Бриона Тејлор пред и по трката за Големата награда на Тоскана.
ФИА во понеделникот разгледала дали Хамилтон ги прекршил правилата и како што било наведено, тие ќе им испратат на возачите решени упатства за активности пред и по трката, вклучително и што може и што не може да се носи, пренесува „Скај“.
Хамилтон победи во трката за Големата награда на Тоскана во неделата, а на подиумот излезе облечен во маица со натпис „Уапсете ги полицајците кои ја убија Бриона Тејлор“. Иста маица носел и пред трката, а изјавата по победата во Мужел ја заврши со реченицата: „Правда за Бриона Тејлор“

View this post on Instagram

#JusticeForBreonnaTaylor ✊🏾

A post shared by Lewis Hamilton (@lewishamilton) on

Полиција во цивилна облека ја убила медицинската работничка, 26-годишната афроамериканка Бриона Тејлор, во Кентаки во март, при рација во нејзината куќа, погодувајќи ја со осум куршуми.
Хамилтон е најгласен во Формула 1 кога станува збор за борбата за човекови права и расна еднаквост. Од почетокот на сезоната тој носеше маица со натпис „Животот на црнците е важен“ и клекнува пред секоја трка, заедно со уште неколку возачи.

Хамилтон на социјалните мрежи изјави дека ќе продолжи да се бори за промени и ги повика сите да се обединат со цел да се борат за правда.
„Сакам да знаете дека нема да запрам, нема да попуштам и нема да се откажам од користењето на оваа платформа за да го потенцирам она што верувам дека е исправно. Сакам да им се заблагодарам на оние кои продолжуваат да ме поддржуваат и да ми испраќаат љубов, јас сум многу благодарен. Но, ова е патувањето на сите нас, да се здружиме и да се бориме против неправдата, не само расна. Можеме да помогнеме ова да биде подобро место за нашите деца и идните генерации“, напишал Хамилтон на Инстаграм, каде го следат 20. милиони луѓе.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Успешна битка за живот: Со внесување на една овошка го победила ракот на тироидата!

Скоро секојдневно во јавност се појавуваат убави приказни за луѓе кои ги одбиле советите на …