ekran платформа за слободоумни
Ренот помага и во борбата против опасните слободни радикали кои што штетат по здравјето во клетките на човечкото тело
Секојдневното внесување на умерена количина рен, ќе ви помогне вашиот респираторен систем да биде здрав, но и ќе ви донесе многубројни предности.
Со доаѓањето на есента и постуденото време, почнуваат и респираторните инфекции, а тоа што може да го направиме е секако дека треба да го подигнеме нашиот имун систем на највисоко ниво.
Улогата на ренот во исхраната првенствено се состои од тоа што ја надразнува слузокожата на желудникот, а потоа го зголемува лачењето на киселина, а со самото тоа ја подобрува и општата состојба на организмот.
Ренот содржи соединение кое што е наречено синигрин, природен антибиотик кој што ефикасно се бори со респираторните проблеми, а особено со синуситисот.
Што содржи?
Коренот од рен има речиси пет пати повисока количина витамин Ц, отколку лимонот и портокалот. Содржи и јаглени хидрати, белковини, масти, етерични масла, минерални соли и финтоциди, т.е. природни антибиотици.
Тој има остар мирис и лут вкус, па доволно е да го користите во помали количини.
Секојдневното внесување на умерена количина рен помага да ги решите респираторните проблеми, но има и низа други предности.
Ренот помага и во борбата против воспаленија
Синирингот кој што се наоѓа во ренот ги блокира компонентите од имунолошкиот систем кој што предизвикуваат воспаленија, а исто така помага и во борбата против опасните слободни радикали кои што штетат по здравјето во клетките на човечкото тело.
Истражувањето покажало дека исто така ренот помага и при превенција на инфекциите како што се оние во уринарниот тракт.
Она што е многу важно е тоа што доколку имате некакви проблеми со варењето на храната треба да бидете внимателни со консумирањето на ренот затоа што може да предизвика некаква иритација на вашиот стомак.
