ЛИГА НА ШАМПИОНИ – Сите си отишле од Етихад, а на теренот останале само Пеп и Зидан

МАНЧЕСТЕР СИТИ влезе во четвртфиналето од Лигата на шампионите, откако во реванш мечот го совлада Реал Мадрид со 2-1 пред празните трибини на стадионот „Етихад“, со истиот резултат што го имаа и на првиот натпревар одигран пред пет месеци во Шпанија.
Манчестер Сити дојде во водството во 9-та минута со голот на Рахем Стерлинг по голема грешка на дефанзивецот на Реал, Рафаел Варан. Мадрид изедначи во 28. минута, а стрелец беше Карим Бензема. По новата грешка на Варан, Манчестер Сити повторно дојде до водство од 2:1 во 68-та минута, а стрелец беше Бразилецот Габриел Јесус.
Манчестер Сити ќе игра во четвртфиналето од Лигата на шампионите против Лион, кој изненадувачки го нокаутираше Јувентус. Дуелот е закажан за сабота, 15 август (21 часот), а ќе се одигра на стадионот „Хозе Алвалад“ во Лисабон, каде Спортинг ги игра своите домашни натпревари.
По натпреварот, камерите на празниот градски стадион ги фатија тренерите на Реал и Сити, Зинедин Зидан и Пеп Гвардиола, како пријатно разговараат неколку минути на теренот покрај аут-линијата.
Двете фудбалски легенди кои имаат пет Лига на шампиони заедно како тренери разговарале додека сите играчи веќе ја напуштија тревата на Етихад.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ВИДЕО) Ѓоковиќ доминантно до полуфинале!

Новак Ѓоковиќ се пласираше во полуфиналето на турнирот од серијата 500 во Астана, откако го …