„Д Фестивал“ на 22 август со македонски артисти, без камп и со безбедносни мерки

Организаторите на „Д Фестивал“ ја објавија програмата со македонски артисти за овогодинешното фестивалско издание во Дојран, кое поради кризната состојба и безбедносните мерки ќе биде скратено на еден ден – 22 август.

„Д Фестивал“ ќе се одржува само на главната бина која е распространета на 10.000 квадратни метри, а капацитетот ќе биде ограничен на само 30%. Се дружиме со бендот кој го отвори првиот Д Фестивал – банда инструментале Суперхикс, претставниците на независната музичка сцена во регионот Bernays Propaganda, гордоста на домашниот андерграунд хип-хоп LD Pistolero, предводниците на трап звукот Donplaya, Bon Praskiza, Prince$$ Donatsu и за прв пат во Дојран, симпатиите на новата генерација Pluto’s Doubts!, соопштуваат организаторите.
Меѓу другото, објавија дека скоро сите артисти што требаше да настапуваат за ова издание – потврдени се за 2021 година.

Организаторите потенцираат дека со месеци работат и се подготвуваат да овозможат безбедна атмосфера за посетителите. Носењето на маски, дезинфекција на рацете, одржување на физичко растојание од 1,5 метри и мерењето температура се задолжителни за сите. Редарите ќе имаат право да го отстранат секој поединец кој не ги почитува мерките.

Кампот годинава нема да биде отворен. Поради безбедносни причини нема да има ниту „Church Stage“, програма „Lake Awake“, а и „ПлоштАрт“ е презакажан за 2021.

Првиот контигент на билети кој традиционално се нарекува Ран корморан е веќе во продажба по промотивна цена од 800 денари. Акцијата ќе трае до истекот на количините.

Повеќе информации, често поставувани прашања за билети, сцени, програма и рефундации можат да се видат тука

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) Крис Прат го потврдил раѓањето на ќеркичката и го открил нејзиното убаво име

Ќерката на Арнолд Шварценегер, Катерина, стана мајка. Со својот избраник еден Крис Прат, таа идоби …