(ВИДЕО) Холанѓаните се снашле: Во рестораните тестираат нов начин на послужување на гостите

„Парола, снајди се“, вака може да се опише сегашната состојба на угостителите низ целиот свет заради пандемијата на коронавирус. Но, холандските угостители успеаа. Тие веќе започнаа со тестирање на нови начини за услужување на гостите во угостителските занаети во „стакленици“.
Еден ресторан во Амстердам прима гости во одделни стаклени куќички во кои можат да се сместат две лица. Клиентите на тој начин се целосно одвоени од другите, но и од персоналот што им служи со долги послужавници за да избегнат евентуален контакт, пишува Си-Ен-Ен.
Келнерите носат ракавици и визир, а со помош на долга плоча ги носат садовите во стаклените кабини за да обезбедат минимален физички контакт со гостите.
Овој начин на работа во моментов само се тестира, така што само блиски пријатели и членови на семејството на персоналот имале можност да го испробаат. Тие во моментот примаат резервации преку Интернет за периодот од 20. мај па натаму и веќе продале 240. резервации.


„Веќе имавме стакленици затоа што исто така правевме неколку уметнички проекти во ресторанот за да сфативме дека можеме да служиме во оваа ситуација“, рекол Вилем Велтховен, сопственик на ресторанот.
И на гостите им се допаднала оваа оригинална идеја.
„Едноставно е пријатно и романтично, мислам дека ова би било одлично за паровите, навистина уживаме во тоа“, коментираа гостите.
Холандското здружение на ресторани КНХ соопштило дека дури и ако на рестораните им е дозволено да се отворат со ограничен капацитет и со примена на безбедносни мерки, многумина се соочуваат со финансиска пропаст доколку се одржат правилата за социјално растојание.
Сепак, сè уште не е познато дали овој принцип на работа, како во овој ресторан во Амстердам, ќе заживее и во некои други објекти и земји.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Тивок убиец на бракот – посмртоносен од пари и секс

На прашањето зошто браковите пропаѓаат, повеќето би одговориле дека причината е лошиот сексуален живот, финансиската …