Рафа на удар во Шпанија- Тони Надал: Тој плаќа данок тука и има право на мислење

Коментарите на Рафаел Надал за политиката и политичките партии добија големо внимание на јавноста во земјата.
„Бикот од Мајорка“ ги обвинил политичарите, без оглед на партиите, за некои грешки за време на пандемијата на корона вирусот, посочувајќи дека тие го изгубиле кредибилитетот.

Надал бил и на мета на критичарите, а неговиот чичко и поранешниот тренер Тони застанал во негова одбрана.
„Не можам да разберам дека оној што плаќа данок тука нема право да го искаже своето мислење. Мислам дека има смисла дека тој има право, без разлика кој си ти. Секој има право на мислење“, рекол Тони Надал, и додал:
„Има луѓе кои размислуваат поинаку. Проблемот е што ние сме во постојана конфронтација. Ако не сте еден од нив, сè што велите нема да им се допаѓа. Тоа треба да се промени“, рекол Тони Надал.