ekran платформа за слободоумни
Познатиот Гери Линекер и вршењето на голема нужда на теренот се една од најдобрите анегдоти во историјата на Светското првенство.
Веројатно многу фанови на фудбалот се добро запознаени со „несреќата“ што некогашната репрезентација на Англија ја имаше на „Мондиалот“ во 1990. година во Италија.
Линекер уште еднаш зборуваше за овој пех, овој пат подетално опишувајќи го моментот кога сè се случило.
“Бев болен цела ноќ. Тоа беше првиот круг на Мундијалот и се разбудив неколку пати со дијареја. Не сакав да му кажам на селекторот Боби Робсон, бидејќи мислев дека ќе ме изостави од првиот состав а секогаш сакав да играм”, ја започнал приказната Линекер во подкастот „Натпревар на денот“,а пренесува „Дејли Меил“.
“Натпреварот започна и јас бев во ред, но после 20 минути почнав да имам грчеви во стомакот. Некако издржав до полувремето и мислев дека се ќе биде добро. Излеговме за второто полувреме и после 10-15 минути грчевите почнаа повторно и мислам ‘во ред, сега сум во неволја'”.
Потоа, се случило неизбежното.
“Една топка отиде на страна и трчав кон неа за да ја изблокирам некого. После тоа, јас паднав на земја и се опуштив за момент и беше само -‘бум’. Си мислев ‘О Боже мој’, но го имаше насекаде Ако го погледнете клипот, ќе видите кога ќе пристапи Гери Стивенс и ме прашува што не е во ред. А јас му велам ‘се по**ра’“.
“Не знаев што да правам. Фала му на Господ имав темно сини шорцеви тој ден. Јас го исфрлував тоа и се триев од тревата како куче. Беше неверојатно како никој не ми пријде подоцна на теренот, смрдев”, се сеќавал Линекер.
Сепак, неговите проблеми не завршиле тука.
„На крајот Боби мораше да ме замени и јас одев на клупата. Помалку или повеќе на секој стадион има тунел веднаш до клупата, но на овој стадион клупите беа на спротивната страна од тунелот, па морав да седнам на клупата со сите други резервни играчи. Можевте да видите како сите се оддалечуваат од мене “, истакнал Линекер.
