Во петок во НОБ:„Лебедово езеро“

Приказната за забранетата љубов во магична атмосфера и моќна, мелодична музика: „Лебедово езеро“, најпознатото балетско дело на сите времиња, на 28 февруари со почеток во 20 часот ќе биде изведено на сцената на Националната опера и балет.

Судбината и љубовната приказна на девојката-лебед, е оправдано онаа првата  на која што помислувате кога е во прашање класичен балет, зошто ова е најпознатото досега создадено балетско дело.  Ова е бајка за потрагата по вистинска љубов како единствен начин да се скрши магијата, што протекува низ познатата мелодија на П.И.Чајковски и уникатните сценски движења кои ја прикажуваат борбата на доброто наспроти злото, предавството и измамата.

Специфичноста на балетските движења и техники го прават „Лебедово езеро“ исклучително тежок балет за изведба, а главната улога е веројатно најпредизвикувачката женска балетска улога која изискува високи способности за артикулација, агилност, сила и особено големо внимание кога се во прашање движењата на рацете. Во оваа прилика, уникатната улога да ги претстави спротивностите на двата главни женски ликови на сцената на Националната опера и балет и припаѓа на првенката на балетот  Марија Кичевска Шокаровска, а улогата на нејзиниот љубен Зигфрид ќе ја изведе Васил Чичијашвили од Грузија.

Во главните улоги настапуваат: Одета,Одилија: Марија Кичевска Шокаровска, Принц Зигфрид: Васил Чичијашвили (Грузија), Ротбарт: Балаж Лашеи (Унгарија), Па де троа: Саша Евтимова, Игор Веланоски, Христина Наќевска

Диригент: Бисера Чадловска, Кореограф: Виктор Јаременко (Украина), Сценограф: Андреј Злобин (Украина), Костимограф: Гана Ипатиева (Украина), Концерт мајстор: Јане Бакевски, Репетитори: Горан Божинов, Олга Панго, Лора Тарчуговска и Билјана Пашариковска

НАСТАПУВААТ ОРКЕСТАРОТ, СОЛИСТИ И БАЛЕТСКИОТ АНСАМБЛ НА НАЦИОНАЛНАТА ОПЕРА И БАЛЕТ

Билетите се веќе во продажба на билетарницата на Националната опера и балет и онлајн на www.operabalet.mk

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Излезе нов број од списанието „МАКЕДОНИКА“

Во најновото издание на списанието „Македоника“, двобројот 23-24, што го издава Друштвото за издавачка дејност …