Книжевни настапи на Стефан Марковски во Љубљана

Македонскиот писател и поет Стефан Марковски деновиве имаше поетски настапи, предавање, читања и претставување на избор од младата македонска поезија во Словенија, во градовите Љубљана и Крањ во склоп на манифестацијата Прешерново оро посветена на големиот словенечки романтичарски поет Франце Прешерн (Врба, 3 декември 1800 – Крањ, 8 февруари 1849).

Панорамскиот избор поезија на млади македонски автори со наслов (Ne)par: (Dvojezični izbor sveže makedonske literature) во издание на Македонското културно друштво „Македонија“ од Љубљана, вклучува песни и од четворица современи македонскипоети, а истиот, заедно со поетски настап на Марковски и Аленка Јовановски беше претставен од страна на Намита Субиото, Лара Миховиловиќ и Петра Коршич во културниот центар Trubarjeva hiša literature.

Предавањето на Марковски на Филозофскиот факултет во Љубљана беше посветено на модерните и постмодерни развојни тенденции во македонскиот театар и филм во втората половина на 20-от и почетокот на 21-от век.

Во рамки на манифестацијата Марковски имаше поетско обраќање и вопросториите на Македoнското културно друштво „Св. Кирил и Методиј“ во Крањ.

 

 

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Лауреатот на Златна камера 300, Јануш Камински, со порака до фестивалот „Браќа Манаки“: Едвај чекам да се видиме во Македонија!    

На вечерашниот настан за одбележување на 41. издание на Интернационалниот фестивал на филмска камера „Браќа …