(ФОТО) Во недела во „Марко Цепенков“ – Прилеп премиера на претставата за деца „Приказни за ветрот и месечината“

На 8 декември 2019 /недела/ од 12.00 часот во театарот „Војдан Чернодрински“ премиерно ќе биде прикажана претставата за деца „Приказни за ветрот и месечината“ во режија на Кирил Петрески.
Претствата е работена според басните  на Езоп, Лафонтен, Цепенков..

-Басната е една од најстарите литературни родови. Во басната се наоѓа чудесната метафора на детството, кога во свежата и бујна детска фантазија се создаваат поимите и сликите за вечните вистини. Во нив ги има поуките за животот, односите со другите луѓе, но не само со луѓето, туку и со сите суштества и со природата. Животните се вистинските јунаци на бајките, но преку нив се покажуваат човечките карактери, лукавството, зависта, алчноста, мудроста и наивноста, доброто и злото, правдата и неправдата, силата и немоќта и сето тоа е претставено
метафорично, алегорично и сликовито. Како што рекол Лафонтен: „ Се зборува во вселената.“, а во една своја строфа вели: „Јас направив да зборува волкот, а на волкот да му одговара јагнето и отидов подалеку: дрвјата и растенијата кај мене станаа суштества што зборуваат.“ Во претставата се сместени басните на неколку автори –  творецот или „таткото на басната“ Езоп, потоа Лафонтен, но и на нашиот Марко Цепенков кој што во своите записи од македонското народно творештво има сместено „мали приказни за животни“, како што тој ги нарекува – вели режисерот Кирил Петрески.

Играат Катерина Чакмакоска – Клинческа, Јасмина Мицовска – Станкоска, Наташа Наумоска – Ачански, Михајло Миленкоски, Александар Тодески и Надица Ѓорѓијоска.
Сценографија и костимите се на  Александар Џинго, музиката е на Томе Темелкоски.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

ЖИВОТНИ ЛЕКЦИИ – 25. цитати на Пауло Коелјо кои го менуваат животот: „Бог ве створил различни – зошто го разочарувате со таквото однесување!“

Бразилскиот писател Пауло Коелјо е автор на неколку наслови кои се најдоа на многу списоци …