Почина легендарната радиоактерка Таска Балабанова

По долго и тешко боледување, на 85 години во Скопје почина актерката Таска Балабанова, со чиј глас израснаа многу генерации слушатели на Радио Скопје, денес Македонско радио. Балабанова е родена во Велес.
Незаборавна е нејзината интерпретација на ликот Олива во цртаната серија „ Попај морнарот“, како и натсинхронизациите во серијата Штрумфови.
Како актерка, кариерата ја започна во некогашниот Младинско-куклен театар, од кој во 1965 е формиран Драмскиот театар. Балабанова потоа замина во Радио Скопје, каде до пензионирањето работеше како радиоактер и го позајмуваше својот глас во бројни радиодрами: „Веселата емисија“, „ Лирското интермецо“, потоа култната серија „ Хихирику“.
Публиката ја памети и од тв-сериите: „Средба“, „Едно лето“, „Илинден, „Време на летала“, „Трето доба“, „Мугра“, „Македонски народни приказни“ и „ Време – живот“.
Објави интерпретации на приказни за деца, а ги снимаше и првите реклами во 1950-те години.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

ПРВА ГРЧКО-МАКЕДОНСКА ФИЛМСКА КОПРОДУКЦИЈА ПОДДРЖАНА ОД ЕВРОПСКИОТ ФОНД ЕУРИМАЖ

Европскиот фонд за копродукција и дистрибуција на креативни кинематографски и аудиовизуелни дела – Еуримаж ја …