(ВИДЕО+ФОТО) ТАНЕЦ ВО АВСТРАЛИЈА: Нашинците водат негативна кампања кон концертите на македонскиот културен амбасадор!

„Се надевам дека сите заедно ќе успееме да го издвоиме колективниот над личниот профитерски интерес. Танец е и наша гордост и наша должност…“
Раководителот на „Танец“, Мартин Вучиќ, кој е во Австралија со ансамблот каде треба да се одржат врвни концерти пред публиката во Мелбурн, Канбера и Сиднеј, на Фејсбук објави дека нашинците во Австралија водат негативна кампања и ги опструираат закажаните концерти.

„За цело време, а сега посебно интензивно, се соочуваме со негативна кампања и опструкција на закажаните концерти и тоа водени од поединци од нашата заедница. Постојано сум и’ лично провоциран со недолични прашања и квалификации, но мене политиката и тие методи на комуникација ми се туѓи и навистина не можам да се впуштам во такви дебати и конфронтации“, пишува Вучиќ.
Како актуелен раководител, Вучиќ порачува дека во овие седум децении постоење на „Танец“се смениле повеќе историски и општествени контексти, но македонското оро и песна, македонската музичко-фолклорна традиција, македонскиот јазик и култура гордо им пркосат на сите тие предизвици.

„Чувствувам дека како никогаш досега, македонската заедница во Австралија е разединета, а чувствувам и дека токму ваквите моменти, кога им гостува најголемиот македонски културен амбасадор, се вистинските за повторно обединување. Ги потсетувам дека и во најголемите војни во минатото, секогаш победници биле македонската песна и оро, дека тие опстоиле вон сите историски рамки и вон сите административни граници. Ние сме можеби сведени на мала територија, но нашата духовна култура е голема колку планина, а тоа е така благодарение на сите нас. Сите ние сме задолжени да си ја чуваме музиката, како што јас сум задолжен од македонското образование кое ми го даде знаењето и дипломата, но и од моите дедовци кои ми го дадоа во аманет целото македонско музичко-фолклорно богатство. Јас сум должен да го чувам и негувам, тоа е и должност на уметниците во Танец, но и на сите вас. Се надевам дека сите заедно ќе успееме да го издвоиме колективниот над личниот профитерски интерес. Танец е и наша гордост и наша должност. Ајде сите заедно да му се радуваме. Во оваа прилика ги поканувам сите нашинци во Австралија да дојдат на концертите и заедно да уживаме во прекрасните македонски ора и песни. Едни без други не можеме и не смееме“, пишува Вучиќ.

Концерти на „Танец“ во Австралија:
Мелбурн – 17. ноември
Канбера – 22.ноември
Сиднеј – 24 ноември

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

СОСЕМА ПРИРОДНО – Список на болести кои ги лекуваат медот и оревите: Еве зошто треба да ги јадете во текот на зимата!

Ќе ви користат ако сте под емотивен стрес или имате тешка физичка работа Медот и …