Вечерва во Охрид голема хуманитарна акција за лекување на Јана Арсовска

Во Центарот за култура „Григор Прличев“ во Охрид утре ќе биде одржан хуманитарен концерт под мотото „Заедно за Јана“ на кој ќе настапат Фолтин, Камелеон, Ѓоко Танески и Владимир Четкар.

Триесет и тригодишната Јана Арсовска од Охрид е болна од многу редок карцином, адултен неуробластом за чие лекување двапати била трансплатирана со коскена срж со поддршка од ФЗО, а подоцна била лекувана во Фленсбург, во Германија.
Целокупниот третман за лекување на Јана во Барселона чини 213.329 евра, а првиот месец од кампањата собрани се 80.000 евра. Болницата во Барселона не прифаќа аванс за почеток на терапија, туку бара истата да биде исплатена во целост пред почетокот на лекувањето.
Цената на влезницата е 300 денари, а сите собрани средства ќе одат на сметката за лекување на Јана.
Останатите начини за донирање во секој еден момент се преку мобилните оператори Т-Мобиле на 143 -143 и преку А1 на 143-467. Донации преку денарска жиро сметка може да се уплатат на 5305-0001-0490-410, Охридска Банка а сметката за банкарски уплати од странство е IBAN:MK07530280003077681 , SWIFT: OHRDMK22. Преку интернет може да се донира на страницата gofundme.com/hopeforjana.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Денеска е спомен на Светите маченици Сергиј и Вакх: Празник кој носи зима, ова никако не смее да се прави!

Според календарот на МПЦ (Јулијанскиот календар) денеска е 7 октомври. Овие Свети и прекрасни маченици …