Вонредна временска прогноза: Не очекуваат големи промени на температурата!

Промената што ќе се случи во среда доцна навечер, во текот на ноќта кон четврток, а особено во четврток, ќе донесе значителен на температурите на воздухот (за околу десет степени, понекаде и за повеќе), информира Славчо Попоски.
Сето ова ќе биде проследено и со северен ветер, кој ќе биде и со засилен интензитет, особено долж Повардарието. Исто така, особено во четврток, ќе има зголемена облачност која ќе биде проследена со повремени врнежи од дожд и тоа особено од пладневните часови па натаму, од локален карактер и нешто поинтензивни. Ќе има услови и за локална појава на грмежи како и со засилување на ветерот.

Нестабилноста е повеќе веројатна на запад и на југ од државава.
Најтопло ќе биде денеска и во среда кога максималните дневни температури на воздухот ќе се искачуваат во интервалот од 28. до 35. степени, а во четврток максималните дневни температури на воздухот ќе се искачуваат во интервалот од 22. до 30. степени.
Понатамошен пад на температурите на воздухот ќе има во петок, кога максималните дневни температури на воздухот ќе се искачуваат во интервалот од 16. до 24. степени.
Особено студено ќе биде во сабота, кога минималните температури на воздухот ќе се спуштаат во интервалот од 0. до 11. степени во најтоплите предели од државава.
Поради ваквата ситуација и поради разведрувањето, во сабота наутро не се исклучува можноста за појава на слана или слаб мраз на некои места и тоа особено во Малешевијата, па земјоделците треба да бидат подготвени за овие промени.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) Твитерџиите почнаа со предвидувањата: Познати носителите на изборните листи на СДСМ

Изборите уште не се закажани а на Твитер веќе почнаа првите претпоставки и прогнози, околу …