(ФОТО) Амстердам е највозбудливиот град во Европа: Топ 4 причини зошто е многу посетуван

Со оглед на тоа дека поголемиот дел на Амстердам лежи на водени канали, сосема е логично во него да има голем број на мостови.
На љубителите на историја и култура има многу што да им се понуди, но ќе го засакаат и оние кои сакаат возбудлив и автентичен помин.

Потребата на човекот за движење постои отсекогаш, само што некогаш било неопходно да се пронајде идеално место за живот, а денес причината е желбата за запознавање на нови култури и пред сè истражување и уживање.
Една од дестинациите кои со задоволство ги избираат оние кои сакаат урбани простори, секако е Амстердам.

 

Локални крафт пива во ветерниците
Едно од автентичните искуства кои можете да ги доживеете само во овој град е посетата на крафт пиварите, малите, занаетски пивари, кои се наоѓаат во старите ветерници. Холанѓаните се познати како „пиво-пијачи“ и бидете сигурни дека дегустацијата на овој пијалок никако нема да ве разочара. Најпозната е „De Gooyer“, која крие своја лична мини-пивара. Таа се наоѓа на источните острови и поседува голема тераса која нуди поглед од кој застанува здивот.

Спектакуларна мрежа од дури 1.500 канали


Уште една од активностите кои никако не смеете да ги пропуштите кога ќе бидете во Амстердам е турнеја низ неговите канали. Самиот град се наоѓа на мрежа од 150 канали и поради тоа со причина го нарекуваат „Венеција на север“. Секој од нив пренесува некоја друга енергија, а особено е интересно за време на пловењето да се набљудува незаменливото зајдисонце. Каналите датираат од 17-ти век, а тие се толку драгоцени, што се заштитени од Унеско.

Од чамец може да го истражите секој агол на Амстердам. Позади Централната страница има пристаниште (Port of Amsterdam), од каде што тргнуваат организирани тури со бродови.

Пловечки пазар и во него – лале

Цвеќето по кое оваа земја е најпозната е лалето. Дали знаете дека во Амстердам постојат пловечки пазари на кои тие се продаваат? За оние вистинските љубители на ова цвеќе, тука е и Музејот на лалето во Амстердам, кој ќе ве научи сè што ве интересира за ова цвеќе.

Раскошни светликави мостови


Со оглед на тоа дека поголемиот дел на Амстердам лежи на водени канали, сосема е логично во него да има голем број на мостови. Иако преку ден изгледаат прекрасно, мора да се признае дека лампите со кои се украсени им даваат посебен шарм.
Најпознатиот мост е Magere Brug, кој странците често го нарекуваат Skiny Bridge. На него често се собираат фотографи и млади парови, бидејќи е еден од најубавите мостови кој зрачи со романтика.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(Рецепт) Милка тарт: Чоколадно задоволство готово во момент!

Комбинација на лешници и чоколадо која одзема здив… Состојки: 200 г мелени бисквити 100 г …