ekran платформа за слободоумни
Петкратниот светски шампион Луис Хамилтон рекол дека возењето на Шарл Леклер го потсетува на своите од почетокот на кариерата во Формула 1.
Шарл Леклер има само поен помалку од својот тимски колега Себастијан Фетел во досегашниот дел од сезоната и тоа не останало незабележано од првиот возач на Мерцедес, Луис Хамилтон, кој го споредил Леклер со својата помлада верзија и ја коментирал состојбата пред трката за Големата награда на Азарбејџан.
„Кога дојдов во Формула 1 сакав што побргу да победам и секогаш ја имав таа желба да го урнам шампионот против кого се тркам, така што ние двајца сме многу слични. Себе се гледам во Шарл Леклер, навистина мислам дека прави многу добра работа. Кога возите за голем тим како Ферари, очекувањата се високи, а Леклер вози така добро што само така треба да продолжи како и до сега и добрите работи ќе дојдат“, порачал Луис Хамилтон.
