Награда од милион долари за наставникот кој платите им ги дели на сиромашните!

Наставникот од Кенија, Петер Табичи, е добитник на годинешната Награда за најдобар наставник и чек на милион долари, а станува збор за наставник кој се откажал од поголемиот дел на своите примања за да ги донира на сиромашни деца.
Престижното признание „Global Teacher Prize” е доделено во Дубаи, а водител на програмата бил познатиот глумец Хју Џекмен.
Наградата и чекот од милион долари му се доделени на Табичи кој работи како наставник во државно средно училиште во оддалеченото и неразвиено место Пвани.
Табичи рекол дека првпат патувал со авион и дека наградата претставува голема чест, но и обврска да продолжи да се грижи за децата во школото во кое има само еден компјутер, а учениците се главно деца без родители.
Најавил дека дел од парите од наградата ќе искористи да ги унапреди условите на работа во школото и да им помогне на сиромашните во Кенија.
Напоредно со неговата хуманост, Табичи е исклучително квалитетен наставник за што најдобро сведочи и фактот дека неговите ученици од школо без библиотека, лабораторија и соодветен пристап на интернет, редовно освојуваат натпреварувања во Кенија и на регионално ниво.
Претседателот на Кенија, Ухуру Кениата му честитал на добитникот и порачал дека приказната на Табичи претставува приказната на Африка и надеж за нови генреации.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) Театарски уметници од Србија, Северна Македонија и Албанија стануваат дел од „ОТВОРЕН БАЛКАН“

Претставници на националните театри на Србија, Северна Македонија и Албанија, на 28. септември, во Владата …