(ФОТО) Се појавија нови информации за Samsung Galaxy S10: Промоцијата ќе се одржи на 20. февруари

Со оглед на тоа дека се приближуваме до официјалното претставување на новиот Samsung Galaxy S10, сѐ повеќе информации се појавуваат . На Твитер, Max Weinbach објави дека Samsung Galaxy S10 Lite ќе има 4 GB рам меморија и 128 GB интерна меморија, додека стандардниот Samsung Galaxy S10 ќе поседува 6GB рам меморија и 128 или 256 GB интерна меморија.
Galaxy S10 Plus ќе има 6 или 8GB рам меморија и 128, 256 или 512 GB интерна меморија. Weinbach напомена дека 5G моделот на Galaxy S10 Plus ќе биде достапен со 8 и 12 GB рам меморија и 256, 512 и 1 терабајт интерна меморија.
Weinbach објави и информации за камерите и истакна дека сите три модели ќе имаат ултра широки леќи од 16 MB и визуелно поле од 123 степени, но без оптичка стабилизација. Наводно ќе има и стандардни камери од 12 мегапиксели.

Galaxy S10 Plus дополнително ќе има камера од 13 мегапиксели со оптичка стабилизација на фотографијата и визуелно поле од 45 степени. Со други зборови, S10 Lite и Galaxy S10 ќе имаат по две камери, додека Galaxy S10 Plus ќе има три камери.
Камерата на моделот S10 ќе има Bright Night и осветлување за портрет, а во пакувањето ќе има има и AKG слушалки. Сензорот за отисок на прстот ќе биде интегриран во екранот на моделите Galaxy S10 и S10 Plus, додека S10 Lite ќе има бочно позициониран сензор.

Моделот S10 Lite ќе биде напојуван од батерија од 3.100 mAh, S10 ќе добие батерија од 3.500, а S10 Plus батерија од 4.000 mAh. Ќе бидат достапни во црна, бела, сина и зелена боја, а S10 Lite ќе се појави и во жолта боја.
Новите уреди треба да бидат претставени на 20 февруари.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

loading...

Видете следно

(ФОТО) Porsche го претстави Cayenne Coupé

Porsche го проширува семејството на Cayenne. Уште едно спортско возило е додадено во третата генерација …