Со Битолското чупе во зимски авантури!

Сигурно веќе добро го знаете омиленото Битолско чупе, она насмеано девојче во традиционална носија, со дрвена кантичка пресно млеко, кое е веќе добро препознатлив симбол за „Битолско” и, впрочем, за целиот бренд Бимилк.

На возрасните им буди носталгија од некои други времиња, на децата им носи радост, игра и забава, меѓутоа дали некогаш сте помислите дека токму ова Битолско чупе, кое е симбол за традиција, историја и за квалитет, би можело понекогаш да го менува својот „аутфит”?
Во екот на зимската сезона, се прашувате ли како би изгледало, да речеме, во зимско руво? Со капа и со шалче, на скии или на санка, нашето омилено Битолско чупе ужива во зимските лудории.

Како и секогаш, сакајќи сè повеќе да се доближи до своите лојални потрошувачи, на начин што е разбирлив и интересен за нив, Бимилк повторно изненадува со својот иновативен пристап. Овој пат тоа се новите амбалажи на Битолскиот јогурт во една поинаква, зимска варијанта.
Всушност, сега имате можност да ја видите и да ја купите лимитираната колекција на Битолскиот јогурт со 4 различни дизајни. На скии, на сноуборд, со Снешко Белчо или, пак, како си игра во снегот, Битолското чупе во оваа зимска едиција ќе ве потсети на најинтересните зимски авантури, а вашите деца ќе го обожаваат.

Новите дизајни на Битолскиот јогурт се аплицирани на сите формати, односно на пакувањата од 1,5 кг, 1 кг, 500 г и 250 г, а ќе бидат достапни во продажба сè до март 2019 година.
Истовремено, од Бимилк ве повикуваат и да ги споделите вашите зимски авантури со нив и најавуваат голем број изненадувања!

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

loading...

Видете следно

(ВИДЕО+ФОТО) Ефтин колач со наполитанки

Доколку од празниците ви останале наполитанки или ви здодеале ви донесуваме предлог за колач кој …