Муамед Сејдини: Секогаш ќе се бориме за решенија кои му помагаат на фудбалот

Муамед Сејдини , в.д. претседателот на Фудбалската федерација на Македонија во „Куќа на фудбалот” на работен состанок ги пречека градоначалниците на Чаир, Висар Ганиу и Охрид, Јован Стојаноски, општини кои заедно со ФФМ се дел од новиот инфраструктурен проект за реконструкција и изградба на две трибини на стадионите „Чаир” и „Билјанини Извори”.
Раководството на ФФМ одржа конструктивен ссотанок околу заедничкиот проект со двете општини поврзан со подобрување на фудбалската инфраструктура.

Првите луѓе во општините Чаир и Охрид и в.д. претседателот на ФФМ се согласија околу важните прашања поврзани со изградбата на трибините и заклучија дека соработката меѓу локалната самоуправа и федерацијата мора да се продлабочи и да постои заеднички интерес кога е во прашање понатамошниот развој на спортската инфраструктура.
-Во Фудбалската федерација размислуваме позитивно и контструктивно. Затоа овие проекти се насочени кон тоа да ја подобриме не само инфраструктурата на стадионите, туку и да го унапредиме нашиот однос со општините во државата сѐ со цел во иднина да соработуваме и за многу поголеми проекти. Мораме да сфатиме дека инфраструктурата е тоа што ќе остане, верувам дека тој начин на размислување и делување во вистинска смисла го сфаќаат сите кои се вклучени во оваа работа. Им благодарам на двајцата градоначалници за довербата и се надевам дека нашиот однос само ќе го унапредуваме, изјави в.д. претседателот на ФФМ, Муамед Сејдини.

Фудбалската федерација на Македонија со поддршка од УЕФА и програмата за развој, претходно доби дозвола за започнување на активности за реконструкција и изградба на трибини на стадионот „Чаир” во Скопје и стадионот „Билјанини Извори” во Охрид. Средствата се одобрени по претходно поднесена апликација и идејни проекти за двата стадиони од страна на Фудбалската федерација на Македонија.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

loading...

Видете следно

(ФОТО) Смртта на познатата глумица криена повеќе од еден месец?

Американската глумица Сондра Лок починала во 75. година. Според добиените информации Лок умрела на 3. …