Неколку совети за ефикасно чистење на Вашиот дом

Повеќето луѓе веруваат дека домашната организација и чистење се меѓу првите пет причини за создавање на дополнителен стрес во секојдневието. А токму овој период од годината сите темелно го чистиме нашиот дом и се подготвуваме за летните денови.

Пролетното чистење има очигледни придобивки како што се организираниот плакар и блескави површини, а сончевите денови имаат големо влијание на нашето секојдневие со што посакуваме да ја отстраниме целата нечистотија во домот и секоја просторија да биде исполнета со свеж воздух и сончева светлина.

Доколку сѐ уште не ја направивте вашата сезонска генералка, искористете ги овие совети за ефикасно чистење на Вашиот дом:

– Ослободете се од непотребните работи – Ова е првото и основно правило кога темелно го чистиме домот. Иако често имаме потешкотија да фрлиме работи кои ги чуваме долго време, верувајте – доколку не сте ги употребиле во последнава година, голема е веројатноста дека никогаш нема да ви притребаат.

– Длабинско чистење на теписите – Ќе бидете изненадени колкава количина на нечистотија, прашина и влакна се крие во вашиот тепих, којa обичната правосмукалка не може да ја отстрани. Длабинското чистење ќе помогне да се обнови бојата и текстурата на тепихот, а чистиот воздух веднаш ќе го почувствувате.

– Кујната секогаш треба да биде беспрекорна, бидејќи во спротивно може да стане извор на зарази и бактерии. Правило кај чистењето на кујната е да имате посебна крпа за чистење на сите површини. Исто така, имајте на ум дека влажните места се најголем извор на бактерии и дека задолжително треба да се менува сунѓерот за миење садови секоја седмица. Дополнително исполирајте ги славините со половина лимон, а вратете го сјајот на мијалникот со помош на маслиново масло кое ќе го втриете со мека крпа.

– Прозорци – За вашите прозорци да изгледаат беспрекорно, прво избришете ги со крпа и оцет, потоа со чиста вода и оставете ги да се исушат. Кога ги бришете прозорците од едната страна бришете ги надолу нагоре, а од другата страна од лево кон десно, така полесно ќе забележите кое место не е добро исчистено.

– Преуредете го плакарот – Може да имате прекрасен и огромен избор на облека, но големи се шансите дека дел од тие парчиња облека никогаш повеќе нема да ги облечете. Добра идеја е да ја подарите некому, а вие ќе добиете поголем простор за вашите парчиња што навистина ги носите.

Oдржувањето на домот во перфектна состојба и одвоеното време за генерално чистење не е лесна задача за оние луѓе кои се постојано во движење, па враќањето во домот им претставува скапоцено време за релаксирање. Сѐ повеќе домаќинства денес ангажираат специјализирана компанија која ќе им помогне домот да заблеска со професионални и висококвалитетни услуги. Моментално една од водечките компании во регионот која врши услуги од овој тип е групацијата Секјуриком, чија основна дејност е вршење на услуги од областа на професионалното чистење и тековното одржување. Тие изготвуваат индивидуални планови за чистење на барање на клиентот и нудат редовно oдржување на хигиената на домот. Доколку не сте во можност да одвоите доволно време целосно да се посветите на ваква „генералка“ или пак едноставно сакате да ја препуштите работата на професионалци, тогаш ова е вистинскиот совет за вас.

 

 

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

loading...

Видете следно

(ВИДЕО+ФОТО) 10. годишно девојче се обидело да се убие поради малтретирање во училиште

Насилството меѓу врсниците е се’ поголем проблем,а трагичната приказна и се случила на петчлено семејство …